Gýterrısh klımattyq ádilettilikti tańdaýǵa shaqyrdy

NЬıÝ-IORK. KAZINFORM — BUU Bas hatshysy Antonıý Gýterrısh BUU Bas Assambleıasynyń 80-sessııasynyń ashylýynda sóılegen kirispe sózinde adamzat klımattyq ádilettilikti tańdaýy tıis ekenin aıtty, dep jazdy AZƏRTAC. 

— Taza energııa bolashaǵy — endi alys bolashaq týraly ýáde emes. Ol — qazirgi shyndyq. Eshbir úkimet, eshbir sala nemese jeke múdde bul protsesti toqtata almaıdy. Biraq soǵan qaramastan, keıbireýler tyrysyp jatyr. Bul ekonomıkaǵa zııan keltiredi, joǵary baǵany saqtap qalýǵa yqpal etedi jáne tarıhı múmkindikti qur jiberýge ákeledi. Kómirsýtek otyny — utylys ákeletin tańdaý, — dedi BUU Bas hatshysy.

Onyń bul sózderi AQSh Prezıdenti Donald Tramptyń energetıkalyq saıasatyna tikeleı qaıshy keledi, dep jazady Reuters.

Donald Tramp jel jáne kún energııasynyń damýyna qarsy. Bul salalar burynǵy prezıdent Djo Baıdenniń klımat pen energetıka jónindegi baǵdarlamasynyń basty baǵyttarynyń biri bolǵan.

AQSh Prezıdenti jańartylatyn energııa kózderin senimsiz jáne qymbat dep atady. Onyń aıtýynsha, bul kózder dástúrli, senimdi energııa kózderin yǵystyryp, sheteldik baqylaýdaǵy jetkizý tizbekterine táýeldi, sondaı-aq qorshaǵan ortaǵa zııan keltiredi.

Aıta keteıik, Qasym-Jomart Toqaev BUU-nyń Nıý-Iorktegi debatynda TMD elderi basshylary arasynda birinshi bolyp sóz sóıleıdi.

Plenarlyq otyrysty BUU Bas Assambleıasynyń 80-sessııasynyń tóraǵasy Annalena Berbok ashady.

Jibek Joly Prezıdenttiń sóz sóıleýin onlaın kórsetedi.