Gýterrısh: Izraıl halyqaralyq quqyqty buzdy, kináliler jaýapqa tartylýy tıis

NЬıÝ-IORK. KAZINFORM – BUU Bas hatshysy Antonıý Gýterrısh Izraıldiń halyqaralyq quqyqty buzǵanyn jáne bul úshin jaýapkershilikke tartylýy kerek ekenin málimdedi. Bul týraly ol Nıý-Iorkte jýrnalısterge bergen suhbatynda aıtty, dep jazdy Anadoly.

BAQ ókilderi Gýterrıshke ızraıldik áskerılerdiń beıbit palestınalyqtardy atyp óltirýge buıryq alǵany týraly aqparatty eske saldy jáne múshe memleketter Izraılge qarsy sanktsııalar engizetin ýaqyt kelgen joq pa, degen suraq qoıdy.

— Bul úshin arnaıy eseptiń qajeti joq — Izraıldiń halyqaralyq quqyqty óreskel buzǵany anyq. Mundaı zańbuzýshylyqtar bolǵan jaǵdaıda kináliler sózsiz jaýapqa tartylýy tıis, — dep basa aıtty Bas hatshy.

Gýterrısh sondaı-aq, AQSh pen Izraıldiń qoldaýymen qurylǵan «Gazaǵa gýmanıtarlyq kómek qorynyń» gýmanıtarlyq kómek taratý ortalyqtarynda beıbit turǵyndardyń qaza tabýy týraly jalǵan aqparat taratty degen aıyptaýyna pikir bildirdi.

—Barshańyz kórgen beınejazbalardy biz oıdan shyǵarǵan joqpyz, — dedi ol.

Sondaı-aq, Gaza sektorynda atysty toqtatý jónindegi jańa bastamalarǵa qatysty suraqqa jaýap berip, Gýterrısh:

— Biz Palestına ákimshiligi usynǵan beıbit bastamalardy tolyǵymen qoldaımyz, — dedi.

Eske sala keteıik, buǵan deıin Gýterrısh Taıaý Shyǵystaǵy shıelenisti toqtatýǵa shaqyrdy.