Gýterrısh: álem Batys Azııadaǵy aýqymdy soǵystyń qaq ortasynda tur
ASTANA. KAZINFORM — Búkil álemge dramalyq áserin tıgizgen keń kólemdi soǵys Batys Azııany sharlap, jahanǵa áser etý qaýpi bar dep málimdedi BUU Bas hatshysy Antonıý Gýterrısh. Bul týraly TASS agenttigi jazdy.
— Biz Batys Azııany qamtıtyn jáne búkil álemge dramalyq salqynyn tıgizgen jahandyq soǵystyń aldynda turmyz. Qaqtyǵystyń áseri qazirdiń ózinde sezilip jatyr. Mysaly, teńiz qatynasynyń erkindigi buzylý saldaryn qarasańyz jetkilikti, — dedi Gýterrısh.
Eske sala keteıik, Irak Ormýz buǵazyn aınalyp ótip, Sırııa arqyly munaı eksporttaı bastady.
Al Iran prezıdenti Masýd Pezeshkıan sársenbi kúni keshke amerıkalyqtarǵa arnalǵan ashyq hat jarııalap, onda soǵystyń maqsattaryna kúmán keltirip, amerıkalyqtardy óz elderiniń saıasatyn synı turǵydan baǵalaýǵa shaqyrdy.
Pezeshkıan úndeýde Irannyń Amerıka halqyn jaý dep sanamaıtynyn jáne úkimetterdiń ustanymdary men qoǵamdardyń sezimderi arasynda aıyrmashylyq jasaýǵa shaqyratynyn málimdedi.
