Gýstavo Paradeda «Qaırat» fýtzal klýbynyń tizginin ustady
ASTANA. KAZINFORM - «Qaırat» fýtzal klýbynyń jańa bas bapkeri bolyp Gýstavo Paradeda taǵaıyndaldy.
Bul jóninde komandanyń baspasóz qyzmeti málim etti.
Gýstavo - klýb tarıhyndaǵy erekshe azamattardyń biri boldy. Ol 2004-2009 jyldary «Qaırat» sapynda Eýropadaǵy alǵashqy tarıhı jetistikterge qatysyp, UEFA fýtzal kýbogynyń qola júldegeri atandy.
Sońǵy jyldary klýb júıesinde sport dırektory retinde qyzmet atqardy. Ótken maýsymda pleı-off kezeńi aldynda qıyn sátte komandany qabyldap, «Qaıratty» Qazaqstan chempıony ataǵyna jetkizdi.
- Gýstavo — «Qaırattyń» rýhyn tolyq túsinetin adam. Ol bul klýbta oıynshy retinde de, maman retinde de kóp jyl eńbek etti. Onyń boıynda naǵyz qaırattyq minez ben jeńimpazdyq rýh bar. Ótken maýsymda ol óte qıyn kezeńde komandany qabyldap, chempıondyqqa jetkizdi. Biz oǵan tolyq senemiz jáne klýbtyń bolashaǵyn osy mamanmen baılanystyramyz, - dedi «Qaırat» fýtbol klýbynyń prezıdenit. Qaırat Orazbekov.
Aıta ketsek, budan buryn bas bapker Danıel Jýnıordyń arasyndaǵy kelisimshart merziminiń aıaqtalýyna baılanysty qyzmetinen ketti.
Danıel Jýnıor komandaǵa osy maýsymnyń basynda kelip, «Qaırat fýtzalmen» birge Qazaqstan Sýperkýbogyn jeńip aldy jáne ÝEFA Chempıondar lıgasynyń shırek fınalyna deıin jetti.
