Gýstav Klımtyń kartınasy Londondaǵy aýktsıonda 59 mln dollarǵa satyldy
ASTANA. QazAqparat - Sýretshi Gýstav Klımtyń «Gúl baǵy» polotnosy Londondaǵy Sotheby's aýktsıonynda 59 mln dollarǵa (48 mln fýnt sterlıng) satyldy.
Sońǵy ret bul kenepke salynǵan sýret 1994 jyly bássaýdaǵa qoıylyp, 5,8 mln dollarǵa satylǵan bolatyn.
Ádette, Klımtyń kartınasy jurtshylyqty tańdaı qaǵarlyqtaı joǵary baǵasymen qyzyqtyrady. Aıta keter bolsaq, ótken jyly amerıkandyq telejúrgizýshi Opra Ýınfrı ózi 2006 jyly 88 mln dollarǵa alǵan kartınany qytaılyqqa 150 mıllıonǵa satyp jibergen.
Klımt 1862 jyly týyp 1918 jyly ómirden ótti. Ol baı áıelderdiń portretterin, sondaı-aq geometrııalyq pishinder jáne gúl salýmen ataǵy shyqqan avstrııalyq sımvolıst-sýretshi.
