Ǵusman Qyrǵyzbaev Qazagstan Barysy Grand Slam jarysynyń altyn júldesine talasady
ASTANA. QazAqparat – Qazaqstandyq Ǵusman Qyrǵyzbaev Astanada ótip jatqan Qazagstan Barysy Grand Slam týrnıriniń fınalyna joldama aldy, dep habarlaıdy QazAqparat tilshisi.
Qazaqstandyq dzıýdoshy 66 kelige deıingi salmaqta bastapqy beldesýin álem chempıony, túbi grýzııalyq, reseılik ıAgo Abýladzemen tatamıge shyqty.
2021 jylǵy álem chempıonatynyń fınalynda Ǵusman dál osy balýanǵa ese jibergen edi. Asa tartysty ótken beldesýde reseılik dzıýdoshyǵa qosymsha ýaqytsha úshinshi eskertý berildi.
Ǵusman Qyrǵyzbaevtyń jartylaı fınaldaǵy ózbekstandyq Mıhrıddın Tılolovpen kúresi de tartysty ótti. Munda da qosymsha ýaqytta ózbekstandyq sportshyǵa úshinshi eskertý berilip, jeńis Ǵusmannyń enshisinde ketti.
Osyǵan deıin Ǵ.Qyrǵyzbaev óz sporttyq jolynda 2019 jyly Ábý-Dabıde ótken Grand Slam jarysynyń jeńimpazy atanǵan edi. Búgin sol tabysyn qaıtalaıtyndaı múmkindigi bar.
Maǵjan Shamshadın fınalda frantsııalyq Sedrık Revolmen, Ǵusman Qyrǵyzbaev ıspanııalyq Davıd Garsıa Torshemen altyn júldeni sarapqa salady.
Eske sala keteıik, budan buryn Ábıba Ábýjaqynovanyń Qazagstan Barysy Grand Slam týrnırine qatyspaıtynyn jazǵan bolatynbyz.
Maǵjan Shamshadın Qazagstan Barysy Grand Slam týrnıriniń fınalyna shyqty.
