Ǵusman Qyrǵyzbaev dzıýdodan Eýropa Kýbogynyń kúmis júldegeri atandy
ASTANA. QazAqparat - Germanııanyń Saarbrıýkken qalasynda erler men áıelder arasynda dzıýdodan ótip jatqan Eýropa Kýbogynyń alǵashqy kúni el qorjynyna kúmis júlde buıyrdy, dep habarlaıdy QazAqparat tilshisi.
QR Dzıýdo federatsııasynyń baspasóz qyzmeti málim etkendeı alǵashqy kúmis júldeni 66 keli salmaqta el namysyn qorǵaǵan qazaqstandyq dzıýdoshy Ǵusman Qyrǵyzbaev jeńip aldy.
Іrikteý kezeńinen irkilmeı shyqqan otandasymyz jartylaı fınalda frantsýz balýany Kevın Azemany jeńip, fınalǵa joldama alǵan bolatyn. Alaıda, fınalda grýzııalyq Tornık Nagıashvılıge ese jibergen Ǵusman Qyrǵyzbaev el qorjynyna jarystyń alǵashqy kúmis júldesin saldy.
Aıta keteıik, Saarbrıýkkende dzıýdodan Eýropa Kýbogy jeksenbi, ıaǵnı 15 shildede óz máresine jetedi. Osyǵan deıin atalmysh dodada 12 balýan el namysyn qorǵaıtyny týraly jazǵan bolatynbyz.
Tartysty dodaǵa 26 elden 387 dzıýdoshy qatysyp jatyr.
