Ǵusman Qyrǵyzbaev Qazaqstan qorjynyna alǵashqy júldeni saldy
ASTANA. KAZINFORM – Parıj Olımpıadasynyń qola júldegeri, 66 kelidegi Ǵusman Qyrǵyzbaev Tsındao Gran-prıinde el qorjynyna alǵashqy júldeni saldy.
Otandasymyz fınalda osy salmaqtyń aıqyn favorıti, 2 dúrkin Olımpıada chempıony, 4 dúrkin álem chempıony Hıfýmı Abemen (Japonııa) beldesip, jol berdi.
Otandasymyzdyń jarystaǵy joly:
1/16 fınal. Týrbold Týmýrhý (Mońǵolııa)
1/8 fınal. Djýsýf Nýrkovıch (Chernogorııa)
1/4 fınal. Rýslan Pashaev (Ázerbaıjan)
1/2 fınal. Ronald Lıma (Brazılııa)
Aıta keteıik, jarystyń alǵashqy kúninde erlerden 60, 66 jáne áıelderde 48, 52,57 kelide júldeler sarapqa salyndy.
Búgingi jarystyń basty ereksheligi retinde Parıj Olımpıadasynyń chempıony Eldos Smetovtyń 2 jyldan keıin tatamıge oralýy boldy. Jerlesimiz birinshi resmı jarysyn 5-orynmen aıaqtady.
Aıta ketelik Ǵusman Qyrǵyzbaev Qytaıdaǵy Gran-prı týrnıriniń altyny úshin kúresetini týraly jazǵan edik.
