Ǵusman Qyrǵyzbaev Astanadaǵy dzıýdodan ótip jatqan týrnırde kúmis júldeni qanaǵat tutty

ASTANA.KAZINFORM - Búgin Astana qalasynda jalaýyn kótergen dzıýdodan Qazaqstan Barysy Grand Slam týrnırinde Ǵusman Qyrǵyzbaev (66 keli) kúmis júldeger atandy.

Fınalda ol reseılik Ramazan Abdýlaevpen sheberlik baıqasty. Beldesý barysynda ol qarsylasyna 0:10 esebimen ese jiberip, kúmis júldeni qanaǵat tutty.

Ǵusman Qyrǵyzbaev 2024 jylǵy Parıj Olımpıadasynyń qola júlde alǵan ol araǵa úzilis salyp, tatamı tórine qaıta oralǵan edi. Astanadaǵy týrnırde ol jaqsy qyryn tanytty. Nátıjesinde jartylaı fınalǵa deıin esh súrinbesten jetti.

Jartylaı fınaldaǵy beldesýinde ol qytaılyq Tszyıan Seni 10:0 esebimen jeńdi.

Ǵusman Qyrǵyzbaev 1992 jyly dúnıege kelgen. Ol 2024 jylǵy Parıj Olımpıadasynda qola júldeger atanǵan edi. Sondaı-aq 2021 jyldarda álem chempıonatynda kúmis, 2019, 2022 jyldarda Azııa chempıonatynda eki márte úzdik úshtikti túıindedi.

Sondaı-aq el quramasynan búgin Talǵat Orynbasar (60 keli) kúmis alsa, Aman Baqytjan jáne Maǵjan Shamshadın qola júldege qol sozdy.

Atalǵan jarys nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. Atap aıtqanda, І oryn úshin — 1 myń, kúmis júldegerge — 700, al qola medal alǵanǵa 500 upaı esepteledi.

Osyǵan deıin Talǵat Orynbasar osy jarysta kúmis medal alǵany týraly jazǵan edik.