Gýrbangýly Berdimuhamedov Toqaevty Quryltaı saılaýymen quttyqtady
ASTANA. KAZINFORM — Memleket basshysy Túrikmen halqynyń Ult kóshbasshysy, Túrikmenstan Halk Maslahatynyń tóraǵasy, Arkadag Gýrbangýly Berdimuhamedovpen telefon arqyly sóılesti. Bul týraly Aqordanyń baspasóz qyzmeti habarlady.
Gýrbangýly Berdimuhamedov Qasym-Jomart Toqaevty alǵashqy bir palataly Quryltaı saılaýynyń tabysty ótýimen quttyqtap, bul ýaqıǵanyń elimiz úshin tarıhı máni zor ekenin atap ótti.
Prezıdent túrikmen halqynyń Ult kóshbasshysyna jyly lebizi jáne Túrikmenstan baıqaýshylarynyń saılaý úderisine belsendi qatysqany úshin alǵys aıtty.
Áńgimelesý barysynda Qasym-Jomart Toqaev pen Gýrbangýly Berdimuhamedov dostyq ári strategııalyq seriktestik rýhyndaǵy ekijaqty qarym-qatynastyń damý qarqynyna kóńil tolatynyn jetkizdi.
Sonymen qatar saýda-ekonomıkalyq, kólik-logıstıkalyq, energetıkalyq jáne mádenı-gýmanıtarlyq salalardaǵy yqpaldastyqty keńeıtýge basa mán berildi.
Aıta ketelik Pashınıan Toqaevty Quryltaı saılaýymen quttyqtaǵan edi.
