Gýrbangýly Berdimuhamedov: TMU jumysy BUU ustanymdaryna saı bolý kerek
Túrikmenstan Halk Maslahatynyń tóraǵasy Gýrbangýly Berdimuhamedov Túrki memleketteri uıymynyń H sammıtinde baýyrlas elder birlestiginiń jumysyn BUU ustanymdaryna saı júrgizýdiń mańyzyna toqtaldy, dep habarlaıdy Kazinform.
«Álemniń túkpir-túkpirinde, sonyń ishinde bizdiń elderge jaqyn aımaqtarda strategııalyq taıtalas saıasaty qalyptasyp jatyr. Sonyń saldarynan álem qaýymdastyǵy túrli jahandyq syn-tegeýrinder men qaterlerge tap kelip otyr. Jalpyǵa birdeı beıbit ómir men qaýipsizdikke keri áser etetin bul qubylystarǵa tótep berý úshin memleketterge kúsh biriktirip, qalyptasqan jaǵdaıdy tereń tarazylap, qajetti sharalar qabyldaý kerek. Sondyqtan halyqaralyq quqyq normasyn, onyń ishinde eń áýeli BUU jarǵysyn negizge ala otyryp, týyndap jatqan qaterlermen tıimdi kúres júrgizý qajet. Osyǵan baılanysty Túrikmenstan BUU Bas assambleıasy 78-Sessısıasynyń tutastyq jáne qaýipsizdik paıymyn negizge ala otyryp jahandyq qaýipsizdik strategııasyn ázirleý týraly bastama kótergen», - dedi ol.
Túrikmenstan ókili resmı Ashhabadtyń osy bastamany iske asyrýdyń úsh qaǵıdatyn usynǵanyn eske saldy.
«Birinshiden, qaqtyǵystardy boldyrmaý úshin bastapqy kezeńderde aldyn alý dıplomatııasyn paıdalaný kerek. Ekinshiden, beıtarap quraldardyń áleýetin barynsha qoldaný qajet. Úshinshiden, ózara senimge qurylǵan dıalogtar mádenıetin qalpyna keltirý kerek. Túrki memleketteri uıymy Túrikmenstannyń bul usynystaryn qoldaıtynyna kámil senemin», - dedi Gýrbangýly Berdimuhamedov.
Sondaı-aq ol Túrikmenstan taraby TMU elderiniń áriptestigin damytýdyń 2024-2025 jyldarǵa arnalǵan baǵdarlamasyn usynǵanyn atap ótti.
Eske salaıyq, búgin Astanada Túrki memleketteri uıymynyń H sammıti ótti.
«Túrki dáýiri» uranymen ótken jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysty.
