Gýrbangýly Berdimuhamedov Ózbekstanǵa barady
TAShKENT. KAZINFORM — Túrikmenstan Halyq Maslahatynyń tóraǵasy Gýrbangýly Berdimuhamedov 23-24 sáýir kúnderi Samarqand qalasyna barady, dep habarlaıdy Ózbekstan prezıdentiniń baspasóz qyzmeti.
Ózbekstan prezıdenti Shavkat Mırzıeevtiń shaqyrýymen túrikmen halqynyń ulttyq kóshbasshysy, Túrikmenstan Halyq Maslahatynyń tóraǵasy Gýrbangýly Berdimuhamedov Samarqand qalasyna saparlaıdy.
Aldaǵy kelissózderdiń kún tártibinde Ózbekstan-Túrikmenstan strategııalyq seriktestigin odan ári nyǵaıtý jáne kóp qyrly yntymaqtastyqty keńeıtý, birinshi kezekte saıası, parlamentaralyq, saýda-ekonomıkalyq, kólik-kommýnıkatsııa jáne mádenı-gýmanıtarlyq salalardaǵy máseleler bar.
Sondaı-aq aımaqtyq jáne halyqaralyq mańyzy bar ózekti máseleler talqylanady.
Eske sala keteıik, 21-22 sáýir kúnderi Gýrbangýly Berdimuhamedov Qazaqstannyń Túrkistan qalasynda Prezıdent Qasym-Jomart Toqaevpen kezdesti.