Guoyou kompanııasy Mańǵystaý oblysynda kópfýnktsıonaldy port salýdy josparlap otyr
ASTANA.KAZINFORM — Qasym-Jomart Toqaev Guoyou kompanııalar toby dırektorlar keńesiniń tóraǵasy ıÝı Boıandy qabyldady. Bul týraly Aqordanyń baspasóz qyzmeti habarlady.
Prezıdent Qasym-Jomart Toqaev pen Guoyou Materials Industry Group Co., Ltd kompanııasy dırektorlar keńesiniń tóraǵasy ıÝı Boıan port ınfraqurylymy salasyndaǵy ózara tıimdi yntymaqtastyq perspektıvasyn talqylady.
Memleket basshysy Qazaqstan Eýrazııanyń tolyqqandy kólik habyna aınalý jóninde órshil maqsat qoıyp otyrǵanyn atap ótti.
Osy oraıda Prezıdent elimizdiń aýmaǵynda mýltımodaldi portty hab qurý týraly bastamany quptady.
Guoyou Materials Group kompanııasy Mańǵystaý oblysynda Quryq kópfýnktsıonaldy portyn salýdy josparlap otyr.
Jobany júzege asyrýdyń alǵashqy jylynda korporatsııa júk ótkizý kólemin 15 mıllıon tonnaǵa deıin jetkizýdi kózdeıdi.
Qasym-Jomart Toqaev osy aýqymdy jobany iske asyrý teńiz ben temirjol logıstıkasyn ushtastyra damytyp, aımaqtaǵy kólik ınfraqurylymynyń ótkizý aýqymyn keńeıte túsetinine, sondaı-aq Qazaqstannyń eksporttyq jáne tranzıttik áleýetin arttyratynyna senim bildirdi.
ıÝı Boıan Memleket basshysyna joba jaıynda egjeı-tegjeıli baıandap, Kaspııdegi teńiz tasymalynyń keleshegine qatysty oı-pikirimen bólisti.
Áńgimelesý barysynda portty hab salý arqyly jumys oryndaryn ashý, saladaǵy kadrlyq áleýetti nyǵaıtý, qazaqstandyq taýar men qyzmetterdi paıdalaný sııaqty uzaqmerzimdi áleýmettik-ekonomıkalyq ózgeristerge jol ashylatynyna nazar aýdaryldy.
Aıta ketelik Qasym-Jomart Toqaev China Communications Construction Company prezıdentin qabyldady.
