Gýmılev atyndaǵy EUÝ stýdentteri blokcheındi jeke pán retinde oqıdy
Halyqaralyq blokcheın-forýmda ІSO-jobalardyń top-menedjerleri, sheteldik blokcheın jáne krıptovalıýta sarapshylar, blokcheın ázirleýshiler jıynǵa qatysýshylar aldynda «Krıptovalıýtaǵa salynǵan ınvestıtsııa», «ІSO», «Tehnologııa» taqyryptarynda baıandama jasady.
L.N.Gýmılev atyndaǵy Eýrazııa ulttyq ýnıversıtetiniń professory Shahmaran Seılov Internettiń paıdasy men zııany, onlaın saýda, krıptovalıýtaǵa ınvestıtsııa salý, tokender, qarjy salýdyń saýatty strategııasyn tańdaı bilý máselelerine jan-jaqty toqtaldy. Sonymen qatar ol blokcheın L.Gýmılev atyndaǵy Eýrazııa ulttyq ýnıversıtetinde pán retinde oqytyla bastaıtyndyǵyn atap ótti.
«Jaǵymdy jańalyǵymmen de bólise ketýdi jón kórip otyrmyn. Aldaǵy ýaqytta L.Gýmılev atyndaǵy Eýrazııa ulttyq ýnıversıtetiniń stýdentterine blokcheın jeke pán retinde oqytyla bastaıdy. Qazirgi ýaqytta onyń baǵdarlamasy men oqýlyǵy daıyndalyp jatyr», - dedi ol.
Aıta keterligi forým uıymdastyrýshylary «Tsıfrlyq Qazaqstan» baǵdarlamasyn damytý aıasynda
Ózge elderden tehnologııalyq startaptardy izdeý baıqaýyn iske qosty. Atalǵan maqsatta Qazaqstannyń árbir qalasyna bir ózge memleket bekitiletin bolady jáne árbir qalada jastar qoǵamdastyqtary qurylady. Olar sheteldik ınnovatsııalardy izdep taýyp, Qazaqstanda engizýmen aınalysady. Osylaısha qazaqstandyq-koreılik, qazaqstandyq-japondyq, qazaqstandyq-qytaılyq, qazaqstandyq-kanadalyq sııaqty ózge de birlesken startaptar paıda bolady.