Ǵumar Serǵazın Atom energııasy jónindegi agenttik tóraǵasynyń orynbasary boldy

ASTANA. KAZINFORM – Memleket basshysynyń ókimimen Ǵumar Serǵazın Qazaqstan Atom energııasy jónindegi agenttigi tóraǵasynyń orynbasary boldy. Bul týraly Aqordanyń baspasóz qyzmeti habarlady.

– Memleket basshysynyń ókimimen Ǵumar Ekpinuly Serǵazın Qazaqstan Respýblıkasynyń Atom energııasy jónindegi agenttigi tóraǵasynyń orynbasary laýazymyna taǵaıyndaldy, - delingen habarlamada.

Ǵumar Serǵazın Qazaq-Amerıka ýnıversıtetinde bilim alǵan, mamandyǵy – zańger (2008 j.).

- Qazaqstan Respýblıkasy Prezıdentiniń janyndaǵy Memlekettik basqarý akademııasy, Memlekettik jáne jergilikti basqarý magıstri, (2013 j.);

- AEHA ıAdrolyq quqyq ınstıtýty (Avstrııa) (2015 j.);

- A.Baıtursynov atyndaǵy Qostanaı memlekettik ınstıtýty, mamandyǵy – «elektroenergetıka» (2020j.);

Eńbek ótili:

«Astana qalasy Saryarqa aýdany Halyqqa qyzmet kórsetý ortalyǵy» MM ınspektory, keńesshisi, bas ınspektory, operatsııalyq zal bastyǵynyń orynbasary (2008-2011 jj.);

«BTA Bank» AQ Zań departamenti Quqyqtyq qamtamasyz etý basqarmasynyń Quqyqtyq súıemeldeý bóliminiń zańgeri (zań sektorynyń meńgerýshisi) (2011 j.);

Qazaqstan Qurylys jáne turǵyn úı-kommýnaldyq sharýashylyq isteri agenttigi Turǵyn úı-kommýnaldyq sharýashylyq departamentiniń Turǵyn úı qatynastary basqarmasynyń sarapshysy, bas sarapshysy (2011-2012 jj.);

Qazaqstan Óńirlik damý mınıstrligi Turǵyn úı-kommýnaldyq sharýashylyǵy departamentiniń Turǵyn úı qatynastary basqarmasynyń bas sarapshysy (2013-2014 jj.);

Qazaqstan Indýstrııa jáne jańa tehnologııalar mınıstrligi Memlekettik energetıkalyq qadaǵalaý jáne baqylaý komıtetiniń Іshki ákimshilik etý basqarmasynyń basshysy, Zań basqarmasynyń basshysy (2014 j.);

Qazaqstan Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Zań basqarmasynyń basshysy (2014-2016 jj.);

Qazaqstan Energetıka mınıstrligi Aqparattyq tehnologııalar jáne memlekettik kórsetiletin qyzmetter departamenti dırektorynyń orynbasary (2016-2017 jj.);

 Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasynyń orynbasary (2017-2023 j.);

QR Energetıka mınıstrligi Atom energetıkasy jáne ónerkásibi departamentiniń dırektory (2023 j. naýryzynan bastap).

Aıta keteıik, Ǵumar Serǵazın atom energetıkasy salasynda maman tapshylyǵy bolmaıtynyn aıtqan edi.