Gýmanoıd robottar bolashaqta adamdardy almastyrady
ASTANA. KAZINFORM – Figure AI kompanııasy kıim-keshekti búkteý jáne azyq-túlikti jınaý sııaqty qarapaıym tapsyrmalardy oryndaýǵa qabiletti gýmanoıd robottardy jasap shyǵardy, dep habarlaıdy NBC News.
Kalıfornııa shtatynyń San-Hose qalasynda ornalasqan amerıkalyq kompanııanyń málimdeýinshe, ınvestorlardan 1 mlrd dollardan astam qarajat jınalǵan. Sol arqyly kompanııanyń quny 39 mlrd dollardy qurady. Bul ony gýmanoıd robottardy jasaý boıynsha qarqyndy jarysta kóshbasshylardyń biri etti.
Figure AI negizin qalaýshy jáne bas dırektory Brett Edkok bolashaqta gýmanoıd robottar adamdardy almastyratynyn jáne ol qalypty jaǵdaıǵa aınalatynyn aıtyp otyr.
Announcing: Figure has exceeded $1B in funding at a $39B post-money valuation
— Figure (@Figure_robot) September 16, 2025
This is an important milestone in Figure's goal to ship robots with human level intelligence pic.twitter.com/4ZoxMeyLvt
Kompanııa ókilderiniń málimdeýinshe, basty maqsat – adamzatqa oń áser etetin jalpy maqsattaǵy gýmanoıdty robottardy qurastyrý. Biraq bastapqyda óndiris, tasymaldaý jáne logıstıka, qoıma jáne bólshek saýda sııaqty jumys kúshi tapshylyǵy eń ótkir salalarda synaqtan ótkizilýi múmkin.
Today we're unveiling F.02 loading the dishwasher autonomously pic.twitter.com/gVGW7BlAAZ
— Figure (@Figure_robot) September 3, 2025
Ázirge robotta jasaýda birqatar kedergiler men qıyndyqtar bar ekeni habarlandy. Bul qıyndyqtarǵa qaramastan, Ostındegi Tehas ýnıversıtetiniń professory Lýıs Sentıs adam tárizdi robottar jaqyn arada keńirek taralady dep boljap otyr.
Goldman Sachs-tyń 2024 jyldyń aqpan aıyndaǵy esebinde jahandyq gýmanoıdtar naryǵy bar bolǵany 10 jylda 38 mlrd dollarǵa jetýi múmkin ekeni aıtylǵan.
Figure AI-dan basqa, Agility Robotics, Apptronik, Boston Dynamics jáne Ilon Masktyń Tesla sııaqty birneshe amerıkalyq kompanııa Qytaıdyń osy saladaǵy ósip kele jatqan tabysyna qarsy turý úshin gýmanoıdty robottardyń jeke nusqalaryn ázirlep jatyr.
Buǵan deıin Qytaıda gýmanoıd robottardyń alǵashqy jekpe-jegi ótkenin jazǵan bolatynbyz.