Gýmanıtarlyq mamandyqtarmen áýestený kezeńi kelmeske ketti - Prezıdent
«Joǵary bilimniń qoljetimdiligi de kókeıkesti másele bolyp qalýda. Eldiń halyq tyǵyz qonystanǵan óńirlerindegi jastarǵa arnalǵan maqsatty granttar bólýge aıryqsha nazar aýdarý qajet. Jańa ekonomıka qurý úshin JOO básekege qabilettiligin arttyrý mańyzdy. Jýyqta Qazaqstanda jetekshi sheteldik joǵarý oqý oryndarynyń fılıaldary ashý bastaldy.
Jaqyn arada Reseıdiń úzdik tehnıkalyq joǵary oqý oryndarynyń fılıaldaryn ashý josparlanyp otyr», - dedi Prezıdent.
Onyń sózine qaraǵanda, 2025 jylǵa qaraı elimizde bedeldi sheteldik joǵary oqý oryndarynyń kem degende 5 fılıalyn ashý qajet.
«Sonyń ózinde onyń ekeýi tehnıkalyq baǵdarlanǵan bolýy kerek. Qaıtalap aıtamyn, tehnıkalyq baǵdarlanǵan oqý oryndarynyń fılıalyn eldiń batysynda ashý kerek.
Jalpy bárimizge bilim týraly kózqarasymyzdy ózgertý qajet. Gýmanıtarlyq mamandyqtarmen áýestený kezeńi kelmeske ketti. Basymdyqty tehnıkalyq mamandyqtarǵa berý qajet. Injenerler men ónerkásip ókilderiniń jańa býynyn ósirip shyǵarý qajet bolyp tur», - dedi Qasym-Jomart Toqaev.
Eske salsaq, QR Prezıdenti Qasym-Jomart Toqaev Parlament Májilisiniń otyrysynda QR Premer-Mınıstri laýazymyna Álıhan Smaıylovtyń kandıdatýrasyn usynyp, ony Májilis qabyldady.
Prezıdent jýyqta Qazaqstandy saıası transformatsııalaý jónindegi jańa usynystaryn jarııalaıtynyn aıtqan .
Sondaı-aq, ol 7 qańtarda halyqqa jasaǵan úndeýinde Úkimetke búgingi Májilis otyrysynda natqy tapsyrmalar beretinin aıtqan edi.
«Úkimet meniń 11 qańtarda Májiliste aıtatyn sózime qatysty naqty sheshimder qabyldaýy kerek», - degen Memleket basshysy.
