Gýmanıtarlyq kómek tıelgen 144 júk kóligi Gazaǵa kirdi

Keshe Gaza sektoryna «Rafah» baqylaý-ótkizý pýnkti arqyly halyqaralyq gýmanıtarlyq kómek tıelgen 144 júk kóligi kirdi. Kazinform bul týraly reseılik TASS agenttigine  silteme jasap habarlaıdy.

Mundaı málimetti Palestına aýmaǵyndaǵy Izraıl úkimetiniń is-áreketin júıeleý basqarmasy H áleýmettik jelisinde (burynǵy Twitter) taratty.

Habarlamadaǵy aqparat boıynsha, 88 júk kóligi anklavqa azyq-túlik (1765 tonna), 21-i – medıtsınalyq quryl-jabdyq (198 tonna), 18-i – sý (340 tonna), 7-i – ýaqytsha ornalastyrý pýnktteriniń jumysyn uıymdastyrýǵa negizgi qajet zattar (110 tonna), 10-y – aralas júk (192 tonna) alyp barady.

Gaza sektoryna gýmanıtarlyq kómek jetkizý 21 qazanda, taıaýshyǵys janjaly ýshyqqan soń eki aptadan keıin bastaldy.