Gýmanıtarlyq kómek tıegen 900 júk kóligi Gazaǵa jetti

ASTANA. KAZINFORM – Gýmanıtarlyq júk tıegen toǵyz júz júk kóligi sońǵy aılarda azyq-túlik pen negizgi qajettilikter tapshy bolǵan Gaza sektoryna jetti.

Bul týraly BUU gýmanıtarlyq isterdi úılestirý basqarmasynyń (GІÚB) esebinde aıtyldy, dep jazady Report agenttigi Katardyń Al Jazeera telearnasyna silteme jasaı otyryp.

– Izraıl blokadasyn alyp tastaǵan soń, seısenbi kúni Gazaǵa gýmanıtarlyq júk tıegen 900-ge jýyq júk kóligi soǵystan zardap shekken aýmaqqa jetkizildi, – delingen habarda.

Aıta keteıik, Azyq-túlik qaýipsizdigi jónindegi Islam uıymy Qazaqstanmen birlesip Gaza sektoryna kómek jiberdi.

Italııa halyqaralyq bitimgershilik mıssııasy aıasynda Gazaǵa ásker jiberýge daıyn ekenin málimdedi.