Gýmanıtarlyq kómek tasymaldaıtyn drondar Amerıkadan Qazaqstanǵa jetkizildi
ASTANA. KAZINFORM – IT qaýymdastyq shette qalmaı, sý tasqynynan zardap shekken aımaqtarǵa kómek qolyn sozdy. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti. ⠀
«Jaǵdaı anyqtalǵannan keıin biz kómek kórsetýge sebep bolatyn barlyq múmkindikterdi qarastyrdyq. Nátıjesinde ARC Drones dron qurylǵasynyń 3 danasyn Amerıkadan Qazaqstanǵa jetkizý týraly sheshim qabyldadyq. ARC Drones ókilderi qazir Atyraý qalasynda jáne TJM qyzmetkerlerimen birlesip eń shalǵaı jáne jetkizý qıyndyq týǵyzatyn jerlerge azyq-túlik, dári-dármek pen basqa da ómirlik mańyzdy materıaldyq quraldardy shuǵyl tasymaldaý jumystaryna kirisýge daıyn», — dep jazdy Baǵdat Batyrbekuly.
⠀
Mınıstrdiń aıtýynsha, ARC Drones — qazaqstandyq Álibek Ersaı men Ásel Tursyn negizin qalaǵan amerıkandyq startap. Bul drondar salmaǵy 10 km radıýsta 30-40 kg-ǵa deıin jáne kúnine 100-ge deıin reıs oryndaı alady.⠀
«Osy drondardy qoldanyp, biz qutqarýshylar men eriktilerdiń qaýipsiz qyzmetin kúsheıtemiz. Sonymen qatar, drondardy sý synamalaryn jınaýǵa da qoldanýǵa bolady. Drondardy shuǵyl paıdalaný jaqyn arada qajet bolmaıdy jáne elimizdegi sý tasqyny jaǵdaıy qalypqa keledi dep úmittenemin», - dedi mınıstr.
⠀
