«Gúljan» SO aldynda er adamdy soqqyǵa jyqqan kúdikti qamaýǵa alyndy
ASTANA. QazAqparat - 26 qazan kúni keshkisin Astanadaǵy «Gúljan» saýda ortalyǵynyń aldynda er adamdy soqqyǵa jyqqan kúdikti qamaýǵa alyndy, dep habarlaıdy «QazAqparat» HAA tilshisi.
«Astana qalasynyń №2 Almaty aýdandyq soty «Gúljan» saýda ortalyǵynda er adamdy soqqyǵa jyqqan kúdiktini eki aıǵa qamaýǵa alý týraly bultartpaý sharasyn bekitti», - dep málimdedi Astana qalalyq sotynyń baspasóz qyzmetinde.
Qajetti saraptama taǵaıyndalyp, sotqa deıingi tergeý sharalary júrip jatyr.
Aıta keteıik, 26 qazan kúni keshkisin Astanadaǵy «Gúljan» saýda ortalyǵynyń aldynda birin-biri tanymaıtyn eki er adam janjaldasyp, sonyń saldarynan bireýi aýrýhanaǵa túsken bolatyn. Zardap shekken 1984 jylǵy er adam mıy zaqymdanyp, keýde tusynan jaraqat alǵan. 35 jastaǵy ustalǵan azamattyń aıtýynsha, ol kólikten túsken kezde zardap shegýshi er adam mas kúıde ony balaǵattap, ar-namysyna tıetin sózder aıtqan. Osydan keıin ustalýshy er adam ony soqqyǵa jyqqan.
