Gúlzat Kóbenova QR ǵylym jáne joǵary bilim vıtse-mınıstri laýazymyna taǵaıyndaldy

ASTANA. KAZINFORM - Qazaqstan Respýblıkasy Úkimetiniń qaýlysymen Gúlzat Іzbasarqyzy Kóbenova ǵylym jáne joǵary bilim vıtse-mınıstri bolyp taǵaıyndaldy.

Bul týraly Úkimettiń Baspasóz qyzmeti habarlaıdy.

1978 jyly Aqtóbe oblysynda dúnıege kelgen.

Q. Jubanov atyndaǵy Aqtóbe memlekettik ýnıversıtetin, E.A. Bóketov atyndaǵy Qaraǵandy memlekettik ýnıversıtetin támamdaǵan.

Eńbek jolyn 1998 jyly Q. Jubanov atyndaǵy Aqtóbe memlekettik ýnıversıteti tarıh kafedrasynyń oqytýshysy bolyp bastaǵan.

2002–2009 jyldary Q.Jubanov atyndaǵy Aqtóbe memlekettik ýnıversıtetinde jáne Aqtóbe pedagogıkalyq ınstıtýtynda basshylyq qyzmetter atqardy.

2009–2010 jyldary — QR Mádenıet jáne aqparat mınıstrliginiń Aqparat jáne muraǵat komıtetiniń aqparat basqarmasynyń sarapshysy, basshysy.

2010–2018 jyldary QR Bilim jáne ǵylym mınıstrliginde túrli laýazymdy qyzmet atqardy.

2018-2019 jyldary — QR Tuńǵysh Prezıdenti – Elbasy N. Nazarbaev kitaphanasy dırektorynyń orynbasary.

2019 jylǵy qańtar-qyrkúıek aralyǵynda QR Prezıdenti Keńsesiniń sektor meńgerýshisi jáne ınspektory bolyp jumys istedi.

2019 jylǵy qyrkúıekten bastap 2020 jylǵy qańtarǵa deıin — QR BǴM Bilim jáne ǵylym salasyndaǵy baqylaý komıtetiniń tóraǵasy.

2020–2022 jyldary — QR BǴM Bilim jáne ǵylym salasynda sapany qamtamasyz etý komıtetiniń tóraǵasy.

2022–2023 jyldary — QR ǴJBM Ǵylym jáne joǵary bilim salasyndaǵy sapany qamtamasyz etý komıtetiniń tóraǵasy.

2023 jyldan bastap qazirgi ýaqytqa deıin QR Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıtetiniń tóraǵasy bolyp qyzmet etti.