Gúlshara Ábdiqalyqova shymkenttik kópbalaly analarǵa páter kiltin tabys etti
Shymkent qalasynda Premer-mınıstrdiń orynbasary Gúlshara Ábdiqalyqova jergilikti turǵyndarmen kezdesti. Sharaǵa Shymkent qalasynyń ákimi Ǵabıdolla Ábdirahymov, Eńbek jáne halyqty áleýmettik qorǵaý mınıstri Berdibek Saparbaev, Bilim jáne ǵylym mınıstri Kúlásh Shámshıdınova, Densaýlyq saqtaý vıtse-mınıstri Lázzat Aqtaeva, Investıtsııalar jáne damý mınıstrliginiń Qurylys jáne turǵyn úı kommýnaldyq sharýashylyq komıtetiniń tóraǵasy Marhabat Jaıymbetov qatysty.
Úkimet músheleri jurtshylyqqa Tuńǵysh Prezıdent - Elbasy Nursultan Nazarbaevtyń «Nur Otan» partııasynyń aqpan aıyndaǵy sezinde atap ótken tabysy tómen azamattardyń, kópbalaly analardyń, múmkindigi shekteýli azamattardyń ál-aýqatyn arttyrý, bilim berý, densaýlyq saqtaý salalarynyń jáne ómir súrý sapasyn arttyrýǵa baǵyttalǵan áleýmettik baǵdarlamalardy túsindirdi.
Shara barysynda Gúlshara Ábdiqalyqova memlekettik baǵdarlama aıasynda birqatar kópbalaly analarǵa páter kiltin tabystady.
«Shymkentte mamyr aıynda áleýmettik jaǵdaıy tómen 540 otbasyǵa páter beriledi. Onyń ishinde kópbalaly analarǵa 177 páter berýdi josparlap otyrmyz. Búgin sonyń 11-ne Gúlshara Naýshaqyzy páter kiltin tabystady»,- dedi qala ákimi Ǵabıdolla Ábdirahymov.
