Gúlshara Ábdiqalyqova Pan Gı Mýnmen genderlik teńdik máselelerin talqylady
G.Ábdiqalyqova óz sózinde genderlik teńdik jáne áıelderdiń ahýalyn jaqsartý máseleleri beıbitshilik pen qaýipsizdikti nyǵaıtý, ornyqty damý, kedeıshilikti joıý jáne adam quqyqtaryn qorǵaý sııaqty BUU Jahandyq kún tártibiniń negizgi máselelerimen tyǵyz baılanysty ekenin atap ótti.
Memlekettik hatshy Qazaqstanda genderlik saıasattyń ózindik úlgisi qalyptasqanyn aıtty. Ulttyq erekshelikter eskerilgen bul úlgi halyqaralyq tájirıbelerge negizdelgen. Sondaı-aq genderlik teńdikke qol jetkizýge, áıelder men qyz balalardyń quqyqtaryn qorǵaýǵa jáne olardyń múmkindikteri aýqymyn keńeıtýge baǵyttalǵan.
Sessııa aıasynda «Qazaqstannyń genderlik jáne otbasylyq-demografııalyq saıasaty: ósim, reforma, damý» taqyryby boıynsha mınıstrliktiń jumys babyndaǵy túski asy uıymdastyryldy.
Jaryssózge Belgııa, OAR, Chehııa, Angola, Latvııa, Zımbabve, Úndistan, Koreıa Respýblıkasy, Japonııa, Paragvaı, Argentına, Mysyr, Túrikmenstan jáne basqa da elderdiń delegatsııalary qatysty.
Іs-shara barysynda Qazaqstandaǵy genderlik jáne otbasylyq-demografııalyq saıasattyń, sondaı-aq ekonomıkalyq múmkindikteriniń aıasyn keńeıtý jáne aýyldyq aımaqtardaǵy áıelderdiń densaýlyǵyn qorǵaý máseleleri jan-jaqty talqylandy.
Sessııa barysynda Memlekettik hatshy men Birikken Ulttar Uıymy Bas hatshysynyń orynbasary, BUU Áıelder qurylymynyń atqarýshy dırektory F.Mlambo-Ngkýkanyń kezdesýi ótti. Taraptar Qazaqstannyń áıelder men qyzdar quqyǵyn qorǵaý jáne múmkindikteri aýqymyn keńeıtý salasyndaǵy halyqaralyq mindettemelerin oryndaý máseleleri qaraldy. G.Ábdiqalyqova táýelsizdik alǵaly beri Qazaqstannyń áıel quqyqtaryn qorǵaý salasynda qol jetkizgen ózgeristerine jetekshi halyqaralyq sarapshylar oń baǵa bergenin atap ótti.
Sondaı-aq, G.Ábdiqalyqova Amerıkalyq memleketter uıymynyń (AMU) Áıelder jónindegi amerıkaaralyq komıssııasynyń atqarýshy hatshysy, elshi K.Morenomen kezdesti. Taraptar áıelderdiń azamattyq, saıası, ekonomıkalyq, áleýmettik jáne mádenı salalarǵa qatysýyna jáne ókilettilik etýine tolyq ári teń qoljetimdilikti qamtamasyz etý jónindegi máselelerdi jan-jaqty talqylady. Memlekettik hatshy Qazaqstannyń Soltústik jáne Ońtústik Amerıkadaǵy áıel quqyqtary jáne genderlik teńdikke qatysty saıasatty júrgizý isindegi basty uıym bolyp tabylatyn AMU-men yntymaqtastyqqa jete mán beretinin atap kórsetti.
Memlekettik hatshy Gúlshara Ábdiqalyqova BUU Damý baǵdarlamalarynyń Ákimshisi H.Klarkpen kezdesýde QR men BUUDB arasynda 2016-2020 jyldarǵa arnalǵan jańa negizdemelik baǵdarlamaǵa qol qoıylǵanyn aıtyp, ornyqty damý maqsattaryna qol jetkizýge jáne ony júzege asyrýǵa járdem etkeni úshin alǵys bildirdi.
G.Ábdiqalyqova H.Klarkqa kedeıshilikti jáne jumyssyzdyqty tómendetýge, áıelderdi ınfraqurylymdyq jobalardy júzege asyrýǵa tartýǵa baǵyttalǵan «Nurly jol» jańa ekonomıkalyq baǵdarlamasynyń múmkindikterin tanystyrdy. Memlekettik hatshy Nıý-Iorktegi BUU Damý baǵdarlamasynda qazaqstandyq áıelderdiń de ókildik etýine múddelilik tanytty.
AQSh-qa jasaǵan jumys saparynyń sońynda Memlekettik hatshy BUU Bas hatshysy Pan Gı Mýnmen kezdesti. Kezdesý barysynda ornyqty damýdyń, genderlik teńdiktiń jáne áıelder men balalardyń quqyqtary men múmkindikteri aıasyn keńeıtýdiń, áleýmettik-gýmanıtarlyq ilgerileýdiń ózekti máseleleri talqylandy.
