Gúlshara Ábdiqalyqova otbasylar jıi tap bolatyn negizgi túıitkilderdi atady
ASTANA. QazAqparat - QR Memlekettik hatshysy Gúlshara Ábdiqalyqova Qazaqstandaǵy otbasylar tap bolatyn negizgi tórt máseleniń qandaı ekenin aıtyp berdi, dep habarlaıdy QazAqparat tilshisi.
«Bizdiń elimizde turmystyq zorlyq-zombylyq máselelerin sheshetin 31 daǵdarys ortalyǵy jumys isteıdi. Túrkistan oblysynda «Otbasyndaǵy zorlyq-zombylyqsyz Qazaqstan» degen joba júzege asyrylyp jatyr. Bul pılottyq joba endi ǵana bastaldy. Biz ony aıaǵyna deıin jetkizýimiz kerek», - dedi Memlekettik hatshy Astanada ótken «Qazaqstandyq qoǵamdy jańǵyrtý protsesindegi otbasynyń róli» atty dóńgelek ústel otyrysynda.
Memlekettik hatshy sonymen birge otbasylyq ınstıtýttarmen birlese otyryp sheshetin máselelerdi atady.
«Birinshiden - bul erte jastaǵy neke men jasóspirimderdiń júktiligi, erte jasta túsik jasatý. Ekinshiden, kóbeıý tendentsııasyna ıe - ajyrasý máselesi. Árbir úshinshi otbasy qazir ajyrasyp ketip jatyr. Úshinshisi - jalqy (tolyqqandy emes) otbasylardyń kóbeıýi. Qazirgi tańda balalardy tárbıeleýde ákelerdiń az aralasýy men bala kútimi úshin alıment tólemderindegi másele. Tórtinshisi - otbasy baǵytyndaǵy jumys negizinen ómirlik qıyndyqtar bastalǵan kezde júrgiziledi. Aldyn alý jumystary áli álsiz júrýde. Elimizde mundaı ózekti máselelerdi sheshýge jumylatyn naqty memlekettik organ - Qoǵamdyq damý mınıstrligi. Konsýltatıvtik organ retinde bizdiń komıssııa da keńes júrgizip, atalǵan máselelerdi sheshýde usynystaryn joldaıtyn bolady», - dedi Gúlshara Ábdiqalyqova.
