Gúlshara Ábdiqalyqova Masdar ǵylym jáne tehnologııalar ınstıtýtynyń rektory Behjat ál-ıÝsýfpen kezdesti
Kezdesý barysynda Memlekettik hatshy Qazaqstan Birikken Arab ámirlikterin Taıaý Shyǵystaǵy óziniń jetekshi seriktesi retinde qarastyratynyn jáne ózara qarym-qatynasty damytýǵa basym mán beretindigin atap ótti. 2017 jyldyń qazan aıynda eki el arasyndaǵy dıplomatııalyq qatynastardyń ornaǵanyna 25 jyl tolatynyna, osy kezeń ishinde birlesip atqarǵan jumystyń orasan zor tájirıbesi jınaqtalyp, ártúrli salalarda tabystarǵa qol jetkizilgenine toqtaldy.
Ábdiqalyqova Qazaqstan taıaýdaǵy onjyldyqta óziniń ındýstrııaldyq saıasatynyń basty quramdasy sanalyp otyrǵan jasyl ekonomıkany engizýdiń belsendi jaqtaýshysy bolatyndyǵyn aıtty.
«Qazaqstan BAÁ-niń jańartylǵan qýat kózderi boıynsha saıasatyna nıettestik bildirip, tolyqtaı qoldaıdy. Ámirlikterdiń «taza» energııany ilgeriletý arqyly ekonomıkalyq damýǵa yqpal etý tájirıbesi oń úlgi bolady», - dedi ol.
Memlekettik hatshy Masdar ınstıtýtynyń joǵary tehnologııalyq bilim berý mekemeleriniń biri retinde jasyl tehnologııalardy ilgeriletý úshin zor úles qosatynyna senim bildirdi.
«EKSPO-2017» halyqaralyq kórmesi aıasynda aǵymdaǵy jyldyń 31 tamyzy men 1 qyrkúıegi aralyǵynda «Áıelder bolashaq energııasyn qoldaıdy» halyqaralyq forýmy ótkiziledi. Forýmda balamaly energetıka jáne jasyl ekonomıka salasyndaǵy ınnovatsııalyq ıdeıalardy ilgeriletýdegi áıelderdiń róli men úlesi taqylanady. Men sizdi atalǵan forýmǵa shaqyramyn», - dedi Gúlshara Ábdiqalyqova.
Kezdesý barysynda taraptar Qazaqstan men BAÁ arasynda ǵylymı jáne bilim berý yntymaqtasty keńeıtý, onyń ishinde birlesken konferentsııalar, trenıngter, semınarlar, Arab óńirindegi áıelder isteri jáne tehnologııalar ortalyǵymen (CWTAR) birge is-sharalar uıymdastyrý máselelerin talqylady.
