Gúlshara Ábdiqalyqova Lı Kýan ıÝ memlekettik saıasat mektebiniń professorymen kezdesti

ASTANA. QazAqparat - Búgin Aqordada QR Memlekettik hatshysy Gúlshara Ábdiqalyqova Sıngapýr Ulttyq ýnıversıteti Lı Kýan ıÝ memlekettik saıasat mektebiniń professory Lım Sıong Gýanmen kezdesti, dep habarlaıdy QazAqparat tilshisi.

Kezdesý barysynda Memlekettik hatshy bıyl Qazaqstan men Sıngapýr arasyndaǵy dıplomatııalyq qarym-qatynas ornaǵanyna 25 tolǵanyn atap ótti. Sonymen qatar Elbasy Nursultan Nazarbaevtyń tapsyrmasymen elimizdi damyǵan 30 memleket qataryna qosýǵa baǵyttalǵan «Qazaqstan-2050» strategııasy júzege asyrylyp jatqanyna toqtaldy. Búginde ekonomıkany, saıasatty jáne qoǵamdyq sanany qamtıtyn júıeli jańǵyrtý júrgizilip jatyr, memlekettik qyzmet jáne sybaılas jemqorlyqqa qarsy is-áreket salasynda da aýqymdy ózgerister jasalýda.

«Biz sıngapýrlyq tájirıbeden kóp dúnıe aldyq. Bul ásirese memlekettik qyzmetshileri saıası jáne basqarýshylyq dep bólýge qatysty boldy. Qazir bizde «A» korpýsy qurylǵan. Bul Sıngapýr merıtokratııasynyń eń úzdik tájirıbesi sanalady. Osy rette bizdiń mektepterimizdiń de mańyzdy rólge ıe ekendigin atap ótken jón. Nazarbaev Ýnıversıtetiniń Joǵary memlekettik basqarý  mektebi men Lı Nýan ıÝ mektebi tyǵyz yntymaqtastyqta», - dep atap ótti Gúlshara Ábdiqalyqova.

Kezdesý sońynda Memlekettik hatshy sıngapýrlyq professorǵa zor tabys tilep, syndarly yntymaqtastyq odan ary jalǵasa beredi dep úmittenetindigin bildirdi.