Gúlshara Ábdiqalyqova ana men balany qorǵaý jóninde keńes ótkizdi

Selektorlyq rejimde ótken keńeske QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, Joǵarǵy Sot, Bas prokýratýra, Іshki ister, Ádilet, Aqparat jáne qoǵamdyq damý mınıstrlikteriniń basshylyǵy, óńir ákimderiniń orynbasarlary, sondaı-aq óńirlik polıtsııa departamentteri, ishki saıasat, otbasy jáne jastar isteri jónindegi, eńbek jáne halyqty áleýmettik qorǵaý basqarmalarynyń basshylary qatysty.

Gúlshara Ábdiqalyqova QR Tuńǵysh Prezıdenti -Elbasy N. Nazarbaevtyń tapsyrmasyna sáıkes jańa áleýmettik saıasat iske asyrylyp jatqanyn, onyń negizgi mindeti azamattardyń turmys sapasyn jáne ál-aýqatyn arttyrý bolyp tabylatynyn atap ótti. Óńirlerde halyqpen kezdesý kezinde nekeni buzý, alımentterdi tólemeý, sondaı-aq otbasylyq-turmystyq negizdegi zorlyq-zombylyq faktileri ózekti bolyp otyrǵany anyqtaldy jáne ol búginde barlyq ýákiletti organdardyń shuǵyl sharalar qabyldaýyn talap etip otyr.

«Qazaqstan Respýblıkasynda 2030 jylǵa deıingi otbasylyq jáne genderlik saıasat tujyrymdamasyn iske asyrý jónindegi is-sharalar josparyn oryndaý sheńberinde ajyrasýdyń aldyn alý boıynsha keshendi jumys júrgizilýde, alıment boryshkerlerimen kúres júrgizý, sondaı-aq turmystyq zorlyq-zombylyqqa ushyraǵan áıelderdi qorǵaý júıesiniń tıimdiligin arttyrý jáne otbasyndaǵy zorlyq-zombylyq faktilerin azaıtýdy uıymdastyrý sharalary qabyldandy», - delingen aqparatta.

Málim bolǵandaı, «Sotta, sottan tys jerde tatýlastyrý» jáne «Otbasylyq sot» pılottyq jobalaryn iske asyrý 2018 jyly azamattardyń buzylǵan quqyqtaryn tatýlastyrý arqyly qalpyna keltirýge oń áserin tıgizdi. Tatýlastyrýǵa baılanysty qysqartylǵan isterdiń sany 5,5%, talap aryzdary qaraýsyz qalǵan isterdiń sany 10% jáne qaıtarylǵan talap aryzdarynyń sany 57,6% artty.

Alıment tólemeý problemasyna jurtshylyqtyń nazaryn aýdarý boıynsha sharalar qabyldanýda. BAQ-ta, áleýmettik jelilerde jáne qoǵamdyq oryndarda júrgiziletin jumystardy aqparattyq súıemeldeý qamtamasyz etildi. Tájirıbe kórsetkendeı, boryshkerlerge qatysty ákimshilik jáne qylmystyq isterdi qozǵaý májbúrleýdiń eń tıimdi sharalarynyń biri. Mundaı shara qoldanylǵannan keıin boryshkerler qaryzdaryn óteıdi.

Reıdtik is-sharalar aıasynda prokýrorlar sot oryndaýshylarmen jáne ishki ister organdarymen birlesip 2018 jyly 200-ge jýyq boryshkerdiń avtokólikterin aıyp turaǵyna jetkizdi (2019j. І toqsanynda - 113). Sonymen qatar, alımentterdi óndirip alý boıynsha basqa da keshendi nasıhattaý is-sharalary júrgiziledi.

Ótken jyly boryshkerler 1,1 mlrd teńge somasynda bereshekti ótegen. Eńbekpen qamtý organdary 6 myńnan astam jumyssyz boryshkerdi esepke aldy (2019j. І toqsanynda - 4 myń). Bos oryndar jármeńkesi arqyly (kásipkerlerdiń kómegimen ótkiziledi) 1,5 myń adam jumysqa ornalastyryldy (2019j. І toqsanynda - 511).

Áıelder men balalardy otbasyndaǵy zorlyq-zombylyqtan qorǵaý jóninde sharalar qabyldanýda. Maqsaty - turmystyq qylmysty 2020 jylǵa qaraı 20%, 2050 jylǵa qaraı 50% tómendetý. ІІM júıesinde áıelderdi zorlyq-zombylyqtan qorǵaý jónindegi bólimshe (124 qyzmetker) engizildi, 36 daǵdarys ortalyǵy jumys isteıdi, onyń ishinde 24-i - pana berýmen. 2018 jyldyń 1 qańtarynan bastap quqyqbuzýshyny ákimshilik ustaý merzimi 3 saǵattan 24 saǵatqa deıin uzartyldy (Ákimshilik quqyqbuzýshylyq týraly kodekstiń 789-baby).

2017 jyldan bastap Shymkent qalasy men Túrkistan oblysynda turmystyq zorlyq-zombylyqtyń aldyn alýdyń pármendi tetikterin qurýǵa baǵyttalǵan «Otbasyndaǵy zorlyq-zombylyqsyz Qazaqstan» pılottyq jobasy engizildi.

Májilistiń qorytyndysy boıynsha QR Premer-Mınıstriniń orynbasary G. Ábdiqalyqova memlekettik organdarǵa birqatar naqty tapsyrmalar berdi.