Gúlshara Ábdiqalyqova Almatyda latyn grafıkasy ortalyǵyn ashty
Aqpan aıynda atalǵan ýnıversıtet mınıstrlik tarapynan uıymdastyrylǵan baıqaýda jeńimpaz atanǵan bolatyn.
«Latyn grafıkasyna ótýge baılanysty ınteraktıvti úıretýshi baǵdarlamalar jasaýdyń lıngvıstıkalyq negizderi men mýltımedııalyq tehnologııalary» jobasyn júzege asyrýǵa 16 mln teńge jumsalmaq.
Oqý ornynyń ókilderi Memlekettik hatshyǵa ýnıversıtet ǵalymdarynyń latyn grafıkasyn úıretýge arnalǵan arnaıy baǵdarlamasyn tanystyrdy.
Oqý ornynyń mamandary latyn grafıkasyn úıretý úshin balalarǵa arnalǵan oıyn baǵdarlamalary men mobıldi qosymshalar oılap shyǵarǵan.
Android, iOS, Windows platformasyndaǵy lıngvıstıkalyq sózdik, latyn árpine avtomatty túrde aýdarma jasaıtyn arnaıy saıt pen dybys jáne beıne materıaldarymen súıemeldengen sandyq elektrondy oqýlyq kórsetildi.
Ǵylymı jobamen aqpannyń basynan bastap fılolog-lıngvıst jáne ІT salasynyń mamandary aınalysyp keledi.
Elektrondy oqýlyq qyrkúıek aıynan bastap Almatydaǵy 4 mektep pen 8 balabaqsha tárbıelenýshileriniń arasynda synaqtan ótedi.
«Bilim berý mekemesinde oqý ornynyń professor-oqytýshylary men stýdentteri latyn grafıkasy negizindegi jańa qazaq álipbıi boıynsha oqyp, jazýdy meńgeredi. Sondaı-aq, muǵalimderdiń biliktiligin tereńdetýge jáne jetildirýge baǵyttalǵan qosymsha kásibı bilim berý baǵdarlamalary júrgizilmek. Birneshe baǵyt boıynsha jumys isteıtin ortalyqqa bilikti til mamandary jumyldyrylǵan. Ortalyqta oqý ordasynyń ǵalymdary jańa álipbıdiń orfografııasy men orfoepııasyn qalyptastyrý baǵytynda arnaıy sabaqtar men kýrstar ótkizedi. Jańa álipbı boıynsha oqý-ádistemelik keshen jasalyp, arnaıy oqý quraldary da jaryq kórmek. Qazirgi kúnde arnaıy tujyrymdama jasalyp, negizgi basym baǵyttary túzildi», - dedi ýnıversıtettiń Informatıka jáne qoldanbaly matematıka kafedrasynyń meńgerýshisi, tehnıka ǵylymdarynyń doktory Salǵaraeva Gúlnaz.
Memlekettik hatshy Ýnıversıtet qabyrǵasyndaǵy ótkizilip jatqan ıgi sharalardy joǵary baǵalap, birqatar tapsyrma berdi.
