Gúlshara Ábdiqalyqova áleýmettik sala qyzmetkerlerimen kezdesti

QYZYLORDA. QazAqparat - Qyzylorda oblysynyń ákimi Gúlshara Ábdiqalyqova búgin áleýmettik sala qyzmetkerleri jáne ardagerlermen kezdesti, dep habarlaıdy QazAqparat tilshisi.

Búgin oblys ákimi Gúlshara Ábdiqalyqova áleýmettik sala qyzmetkerleri merekesi aıasynda ardagerler jáne sala mamandarymen júzdesti. Júzdesý barysynda áleýmettik qorǵaý júıesindegi qol jetkizgen tabystar keńinen talqylandy.

Aımaq basshysy sala mamandary el Táýelsizdiginiń 30 jyldyǵy jáne kásibı merekesimen quttyqtady. Egemendik kezeńnen beri azamattardy áleýmettik qorǵaýdyń alǵysharttary jasaldy.

«Sonaý toqsanynshy jyldary zeınetaqy tólemine ózgerister engizildi. Búgingi deıin áleýmettik kómek kórsetý reformalarynyń ártúrli kezeńi qalyptasty. Sonyń ishinde qazirgi pandemııa kezinde de áleýmettik qorǵaý júıesi jumysy toqtatqan joq. Syn sátte mamandar táýlik boıy kezekshilikpen jumys atqardy. Halyqqa barynsha qoldaý kórsetti. Azamattardy qabyldaý máselesi de bir mezetke tolastaǵan joq. Alǵashqy kezekte múgedektigi bar adamdardyń, jeke kómekshilerdiń, ataýly áleýmettik kómek alýshylardyń vaktsına alýy úshin jan-jaqty túsindirme jumystaryn júrgizdi. Osylaısha indettiń aldyn alýǵa úles qosýda. Búgingi kúni áleýmettik salada 2 myńnan astam adam eńbek etýde. Áleýmettik qyzmetkerler adamdardyń ómir súrý sapasyn arttyrýǵa tikeleı áserin tıgizip otyr. Árbir jasaǵan eńbek - halyqty áleýmettik qorǵaý júıesiniń damýyna, halyqaralyq standarttarǵa saı qyzmet kórsetýge baǵyttalǵan», - dedi oblys ákimi.

Kezdesý barysynda áleýmettik sala ardagerleri Qorǵanbek Qaırýllaev, Gennadıı Maksın, Kúlzııa Dúzelbaeva áriptesterin quttyqtady. Ózderiniń eńbek joldary týraly estelikterimen bólisti. Sondaı-aq, birqatar sala qyzmetkeri oblys ákiminiń Alǵys hatymen marapattaldy. Eske salsaq, Qyzylordada jergilikti mańyzy bar avtokólik joldarynyń jaǵdaıy jaqsardy.