Gúlshara Ábdiqalyqova: Ákimdikter jazǵy demalysta kópbalaly otbasylarǵa basa mán bergeni jón
NUR-SULTAN. QazAqparat - Úkimet basshysynyń orynbasary Gúlshara Ábdihalyqova jazǵy demalys ýaqytyn ótkizýde kópbalaly jáne az qamtylǵan otbasylarǵa, múmkindigi shekteýli jáne jetim balalarǵa kóptep kóńil bólý kerektigin atap ótti, dep habarlaıdy QazAqparat tilshisi.
«Osy aptanyń ishinde oqý jyly aıaqtalady. Sonymen qatar, 1 maýsym - Halyqaralyq balalar kúni. Osy sebepti, birinshiden jaz ýaqytynda kóptegen is-sharalardy qolǵa alý qarastyrylyp otyr. Ony balalardyń ózderine keńirek túsindirip, «Ashyq esik» kúnin uıymdastyrý kerek. Ekinshiden, qaýipsizdik máselelerin balalardyń ózderine barynsha túsindirgen abzal. Úshinshiden, balalardyń óz usynystaryn da tyńdap, olardyń jaz ýaqytynda demalysty qalaı ótkizý kerektigi týraly pikirin tyńdaǵan jón. Sondaı-aq, kópbalaly jáne az qamtylǵan otbasylar, múmkindigi shekteýli jáne jetim balalarǵa jergilikti jerde ákimdikter kóptep kóńil bólse degen usynys bar», - dedi Gúlshara Ábdihalyqova búgingi Úkimet otyrysynda.
Eske sala ketsek, Úkimet otyrysynda Úkimet basshysy Asqar Mamın Bilim jáne ǵylym mınıstrligine balalardyń jazǵy demalysyn joǵary deńgeıde uıymdastyrý úshin tıisti jol kartasyn ázirleýdi júktegen bolatyn.
