Gúlnaz Bóribaeva bokstan jastar arasyndaǵy Azııa chempıonatynda top jardy

ASTANA. KAZINFORM – Bangkok qalasynda (Taıland) bokstan jastar arasyndaǵy (U22) Azııa chempıonatynyń fınaldyq jekpe-jekteri bastaldy. Alǵashqy bolyp Gúlnaz Bóribaeva el qorjynyna altyn júldeni saldy. 

Áıelder arasynda 48 kelige deıingi salmaqta synǵa túsken Gúlnaz úzdik atanyp, jeńis tuǵyryna kóterildi. Sheshýshi jekpe-jekte otandasymyş ózbekstandyq Robııahon Bahtıerovadan basym tústi. 

Aıta keteıik, fınaldyq kezeńde taǵy úsh boksshymyz Baqyt Seıdish (70 kelige deıin), Shuǵyla Nálibaı (75 kelige deıin) jáne Ásel Toqtasyn (80 keliden joǵary) baq synaıdy.

Eske salsaq, buǵan deıin Azııa chempıonatynda búgin 22 jasqa deıingi boksshylar saıysqa túsetinin jazǵan bolatynbyz.