Gúlnaz Bóribaeva Azııa chempıonatynda altyn medal ıelendi
ASTANA.KAZINFORM - Indonezııanyń Djakarta qalasynda ótip jatqan Azııa chempıonatynyń fınaldyq jekpe-jekteri ótip jatyr.
U23 sanaty boıynsha 48 kelidegi Gúlnaz Bóribaeva fınalda Mońǵolııa boksshysy Sodon-Od Bınderııaǵa esh múmkindik bermeı, 5:0 esebimen jeńiske jetti.
Aıta keteıik, elimizdiń atynan birinshi bolyp U19 sanatyndaǵy Kamıla Ospanova (70 keli) shyqty.
Otandasymyz aqtyq synda álem chempıony, Ózbekstan boksshysy Maftýna ıAngıevamen judyryqtasyp, 3-raýndtyń qorytyndysy boıynsha 3:2 esebimen basym tústi.
Sonymen qatar U19 sanaty boıynsha +80 kelidegi Zarına Tolybaı fınalda Úndistan sportshysy Prechı Tokaspen kúsh synasyp, tóreshilerdiń biraýyz sheshimimen (5:0) jeńiske jetti.
U19 sanaty boıynsha 80 kelidegi Aıdana Ýbaıdýllaqyzy sheshýshi synda Úndistan boksshysy Mega Sheokandpen judyryqtasyp, tóreshiler sheshimimen jeńis tuǵyrynan kórindi.
