«Gúlnár týr» kompanııasynan japa shekkenderge 3 mıllıon dollar áli qaıtarylǵan joq
ASTANA. QazAqparat - «Gúlnár týr» kompanııasynan japa shekken týrısterge 3 mıllıon dollar áli qaıtarylǵan joq. Bul týraly búgin Ortalyq kommýnıkatsııalar qyzmetinde QR Úkimeti janyndaǵy týrızm jónindegi keńestiń múshesi Inna Reı málim etti.
«Keltirilgen zalaldyń somasyn anyqtaý áli múmkin bolǵan joq. Sebebi aqsha ózine tán tásilmen jasalǵany sonshalyq, qazir ony anyqtaýǵa eshkimniń de murshasy kelmeı tur. Biraq «Gúlnár týr» boıynsha jasalǵan sanaq boıynsha, shyǵyn 11 mln. dollarǵa baǵalandy. Onyń 8 mln. dollaryn kompanııanyń ózi moınyna aldy. Qalǵan soma - 3 mln. dollar. Ol da qazir ótelip jatyr. Olardyń qanshasy tólenbedi ony anyqtaý qıyn. Múmkin qylmystyq istiń qorytyndysy jasalǵan tusta biraz ashylatyn shyǵar», - deıdi I.Reı.
Eske salaıyq, «Gúlnár týr» týrkompanııasy aınalasyndaǵy daý-damaı 2014 jyldyń jazynda shyqty. Kompanııanyń salǵan materıaldyq shyǵyny mıllıondaǵan teńgege baǵalanýda. «Invest Avıa» áýekompanııasynyń ózi 147 mln. teńgege shyǵynǵa batty. Týrlardy satyp alǵan 12 myń qazaqstandyq japa shekti. 2014 jyly «Gúlnár týr» kompanııasynyń lıtsenzııasy alyndy, al onyń quryltaıshysy men bas dırektory halyqaralyq izdeýge jarııalandy.
