«Gúlnár týr» kompanııasyna qatysty qylmystyq is qozǵaldy
ASTANA. QazAqparat - «Gúlnár týr» JShS týrıstik kompanııasynyń qyzmetterin paıdalanyp júrgen azamattardyń quqyǵyn ýaqytyly qalpyna keltirý maqsatynda Bostandyq aýdandyq prokýratýrasy atalǵan seriktestiktiń jaýapty tulǵalarynyń zańǵa qaıshy is-qımyldarynyń jolyn kesýge baǵyttalǵan jumystardy júrgizdi.
«Nátıjesinde, bıylǵy 9 shildede M.K. Bagırov jáne basqa azamattardyń aryzdary boıynsha Bostandyq aýdanynyń ІІB Qazaqstan Respýblıkasynyń Qylmystyq kodeksiniń 177 baby 3 bólimi «b» tarmaǵy boıynsha qylmystyq is qozǵady», - delingen Almaty qalasy prokýratýrasynyń málimetinde.
Aldyn ala esepteýler boıynsha keltirilgen shyǵyn 6 mln. teńgege jýyq qarjyny qurady.
Osy oraıda quzyrly organ bul qylmysty tergeý barysy qatań baqylaýǵa alynǵanyn atap ótti.
