«Gúlnár týr» isi boıynsha 240 jeke tulǵa men 30 zańdy tulǵa zardap shegýshiler retinde qarastyrylyp otyr - QR ІІM
ASTANA. QazAqparat - «Gúlnár týr» isi boıynsha 240 jeke tulǵalar men 30 zańdy tulǵa zardap shegýshiler retinde qarastyrylyp otyr. Bul týraly búgin Astanada ótken brıfıngte QR ІІM Krımınaldyq polıtsııa departamenti basqarmasy basshysynyń orynbasary Andreı Kýcher málim etti.
«Gúlnár týr» týrıstik fırmasy jaıynda jaqsy bilesizder. Týrızm salasynda alaıaqtyqtyń osyndaı túri paıda boldy. Qazirgi kezde JShS dırektory halyqaralyq izdeýde júr. Osy is boıynsha zardap shegýshi retinde 240 azamat pen 30 zańdy tulǵa ótip jatyr, ıaǵnı ózderiniń qyzmetkerleri úshin joldama alǵan JShS-lar da bar»,-dedi A. Kýcher.
Eske sala keteıik, maýsym aıynyń sońynda QR júzdegen azamaty «Gúlnár týr» kompanııasynda týyndaǵan problemaǵa baılanysty Túrkııa eline demalýǵa ýaqtyly usha almaı, ýaqtyly kele almaı ábden ábigerge túsken edi. Kompanııanyń mundaı qyzmetinen keltirilgen zalal 30 mıllıon teńgege baǵalandy. Qazaqstandyqtardy elimizge qaıtarý úshin Kólik jáne kommýnıkatsııa mınıstrligi arnaıy reıster uıymdastyrdy.
2014 jylǵy 22 tamyzda Almaty qalasynyń mamandandyrylǵan aýdanaralyq ekonomıkalyq soty atalǵan talap aryz jónindegi azamattyq isti ashyq sotta qarap, «Gúlnar týr» TK» JShS-in lıtsenzııadan aıyrý týraly sheshim shyǵardy.
