«Gúlnár týr» bankrotqa ushyraǵannan keıin 40-qa tarta týragenttik jabyldy
ASTANA. QazAqparat - «Gúlnár týr» týrıstik kompanııasynyń bankrotqa ushyraǵanynan keıin 40-qa tarta týragenttik jabyldy. Bul týraly búgin Ortalyq kommýnıkatsııalar qyzmetinde QR Úkimeti janyndaǵy týrızm jónindegi keńestiń múshesi Inna Reı málim etti.
«Gúlnár týrǵa» keletin bolsaq, byltyr biz Túrkııanyń Antalııa syndy kýrortyna tanymaldylyq kúrt tómendegenin baıqadyq. Ulttyq kásipkerler palatasymen birge jaǵdaıdy ýshyqtyrmaı ustap qalǵannyń arqasynda, «Gúlnár týrdan» alǵan týrpaketterdi saqtap qala aldyq. Degenmen, soǵan qaramastan, «Gúlnár týr» bankrottyǵynan keıin 40-qa tarta týragenttik jabyldy», - dedi ol.
Onyń aıtýynsha, týrkııalyq baǵyt qazaqstandyqtar úshin tıimsiz bolyp ketti. Sebebi, ondaǵy baǵa birshama ósken.
«Biz suranystyń byltyrǵy jylmen salystyrǵanda 40 paıyzǵa tómendegenin baıqap otyrmyz. Sebebi, Reseıde ekonomıkalyq ahýal nasharlaǵandyqtan, Túrkııa kýrorttarynda reseılikter azaıdy. Sondyqtan, qonaqúılerdiń baǵasy joǵarylaǵan», - dedi I. Reı.
