Gúlnár Sıqymbaevanyń joǵalyp ketken ulynyń denesi tabyldy

ALMATY. KAZINFORM — Almatyda marqum, Qazaqstannyń eńbek sińirgen ártisi Gúlnár Sıqymbaevanyń uly Baır Sıqymbaevtyń máıiti tabyldy.

Er adamnyń óli kúıinde tabylǵanyn Lider.kz eriktiler qozǵalysy habarlady.

Buǵan deıin Baır Sıqymbaevtyń iz-túzsiz joǵalyp ketkenin habarlaǵanbyz.

Ol 2026 jylǵy 24 naýryzda saǵat shamamen 13:20–da Kopernık kóshesi, 114-úıden shyǵyp ketken. Sodan beri hat-habar joq.

Buǵan qatysty redaktsııa tilshisi Almaty polıtsııa departamentiniń baspasóz qyzmetinen resmı túsinik surady.

Marqumdy izdestirý jumystaryn Medeý aýdandyq polıtsııa basqarmasynyń qyzmetkerleri júrgizgen.

Eske salaıyq, 2024 jylǵy qazanda tanymal estrada ánshisi, Qazaqstan Respýblıkasynyń eńbek sińirgen ártisi Gúlnár Sıqymbaeva dúnıeden ótken edi.