Gúlnár Qurbanbaeva: «Gúlnár týr» kompanııasynyń dırektorymen baılanysqa shyqqan adamǵa syıaqy beremin

ASTANA. QazAqparat - «Gúlnár týr» kompanııasynyń basshylyǵy jalǵan qujatpen shetelge ketip qalýy múmkin. Bul týraly búgin Qazaqstannyń Ulttyq kásipkerler palatasyndaǵy baspasóz máslıhaty barysyndaǵy málimetterde habarlandy.

Palatanyń málimetterine qaraǵanda, atalǵan kompanııanyń basshylyǵy baılanysqa shyqpaı otyr. Naqtylaǵanbaǵan aqparat boıynsha, ol jalǵan qujatpen Qazaqstan aýmaǵynan ketip qalǵan.

Baspasóz máslıhaty barysynda «kompanııanyń dırektorymen sońǵy ret qashan baılanysqa shyǵýǵa múmkin boldy?» degen saýalǵan QR UKP Basqarma tóraǵasynyń orynbasary Gúlnár Qurbanbaeva: «Dırektormen bireý baılanysqa shyǵyp jatsa, sol adamǵa syıaqy berýge daıarmyn. Ókinishke qaraı, búginde onymen baılanys múmkin bolmaı tur», - dep jaýap qaıtardy.

Esterińizge sala keteıik, Túrkııada qazaqstandyq týrıster úıine jete almaı, jat eldiń áýejaıyn saǵalap júrýge májbúr bolǵan edi.

«Gúlnár týr» fırmasynyń joldamasyn satyp alǵan týrıster kóp uzamaı ózderiniń aldanǵanyn bilgen. Kelisimshart boıynsha Jet Airlines áýe kompanııasy qazaqstandyq týrısterge tek 30 maýsymǵa deıin qyzmet kórsetýge tıis bolatyn. Al fırma basshylyǵy bolsa, týrısterge joldamany shildege deıin satyp kelgen. «Gúlnár týr» fırmasynyń týrısterge keltirgen shyǵyny 30 mln. teńgeden asqan kórinedi.