Gúlnár Karımovanyń uly anasynyń ólimi týraly áńgimelerdi túsindirdi
ASTANA. QazAqparat - Ózbekstannyń burynǵy prezıdenti Islam Karımovtyń nemeresi, óziniń anasy, Karımovtyń úlken qyzy Gúlnar Karımovanyń ólimine qatysty el arasynda tarap ketken áńgimelerge túsinikteme berdi.
BBC qyzmetine bergen suhbatynda ol atalǵan aqparattyń jalǵanyn ekenin aıtty.
23 jasar Islam Karımovtyń aıtýynsha, onyń anasy tiri. Alaıda ol 2014 jyldan beri úıqamaqta otyr. Ol sondaı-aq óziniń ákpesi Iman Karımovanyń úıqamaqtan bosatylǵandyǵyn, alaıda oǵan elden syrtqa shyǵýǵa tyıym salynǵandyǵyn aıtady.
Al, kishi Kárimov bolsa, Londonda júr, dep jazady Lenta.ru. 22 qarasha kúni Gúlnár Karımovanyń ólimin Tashkenttegi derekkózderine súıene otyryp, birneshe aqparat agenttigi joqqa shyǵardy.
Burynǵy prezıdenttiń qyzynyń marqum bolǵandyǵy jónindegi aqparatty Ózbekstannyń Ulttyq qaýipsizdik qyzmetiniń jasyryn qyzmetkerine silteme jasaı otyryp, «Tsentr-1» saıty habarlady.
Agenttik taratqan málimet boıynsha, Karımova 5 qarasha kúni ýlanyp ólgen jáne ony osy kúni qupııa túrde «Mınor» qorǵanyna jerlegen.
Derekkóz jerleý rásimine óziniń qatysqanyn aıtqan. Osyǵan qaraı jýrnalıster de el bıligine burynǵy prezıdenttiń qyzynyń taǵdyry týraly, onyń qaıda júrgenin bilý maqsatynda arnaıy suraý salǵan. Ázirge oǵan jaýap joq.
Qazan aıynyń basyna Twitter-de marqum bolǵan prezıdenttiń qyzynyń atyna tirkelgen jańa akkaýnt paıda boldy. Alaıda, jýrnalıster onyń Gúlnárǵa tıesili ekendigine kúmán keltirip otyr. Al, onda jańa túsken sýret retinde jarııalanǵan fotolar osydan birneshe jyl buryn jarııalanǵan.
Gúlnár Karımova 1972 jyly týǵan jáne Ózbekstanda kóptegen memlekettik laýazymdy qyzmetterdi atqarǵan. 2013 jyly jemqorlyqpen baılanysty atyshýly oqıǵanyń basty keıipkerleriniń birine aınaldy. Budan soń ol úıqamaqqa alynǵan bolatyn.
Ol týraly shyndyqqa janasatyn naqty málimetterdi Gúlnárdiń Davidson Ryan Dore pıar agenttigi arqyly qupııa túrde jibergen sýretteri men aýdıojazbalaryn jarııalaǵan batystyń buqaralyq aqparat quraldary 2014 jyly jarııa etti. 2016 jyldyń qyrkúıeginde BAQ ókilderi Gúlnárdyń ákesiniń jerleý rásimine qatyspaǵanyn jazdy. Sonymen qatar jýrnalıster Karımovtyń ornyn basqan Shavkat Mırzıeevtiń qaza bolǵan azamattyń otbasyna kóńil aıtqan kezinde onyń jesiri men kishi qyzy Lolanyń ǵana esimin ataǵandyǵyna nazar aýdarǵan.
