Gúlnár Kárimovaǵa qatysty qylmystyq is sotqa joldandy
TAShKENT. ÝzA - QazAqparat – Ózbekstannyń Bas prokýratýrasy Gúlnár Kárimovaǵa qatysty qylmystyq isti tergeýdi aıaqtady, dep habarlaıdy «QazAqparat» HAA ÝzA agenttigine silteme jasap.
«Ózbekstannyń Bas prokýratýrasy G.Kárimova men qylmystyq qoǵamdastyqtyń quramynda bopsalaý, bıýdjet qarjysyn jymqyrý jáne qylmystyq jolmen tabylǵan kiristerdi shetelde zańdastyrý sııaqty qylmystardy jasaǵan ózge de azamattarǵa qatysty qylmystyq isti tergeýdi aıaqtady»,-delingen Ózbekstan Bas prokýratýrasynyń resmı málimdemesinde.
Qazirgi tańda qylmystyq is qaraý úshin sotqa joldandy.
Osyǵan deıin «QazAqparat» HAA tilshisiniń ÓR Bas prokýratýrasynyń baspasóz qyzmetine silteme jasaı otyryp habarlaǵanyndaı, Gúlnár Kárimovaǵa qatysty jańa qylmystyq is qozǵaldy. Ózbekstannyń Bas prokýratýrasy men Ádilet mınıstrligi AQSh, Shveıtsarııa, Frantsııa, Reseı Federatsııasy, Latvııa sııaqty shet memlekettermen G.Kárimovanyń quny 1,3 mlrd AQSh dollaryn quraıtyn «qylmystyq jolmen tapqan» jáne keıbir shet memleketterde qylmystyq ister qozǵalyp jatqan áreketteri boıynsha birlesken jumystar júrgizilýde.
