Gúlnár Bajkenova eki aıǵa úıqamaqqa alyndy

ALMATY. KAZINFORM – Orda.kz saıtynyń bas redaktory Gúlnár Bajkenova eki aıǵa úıqamaqqa alyndy.

Bul týraly Almaty polıtsııa departamentiniń baspasóz qyzmeti rastady.

– Sot tergeý organdarynyń ótinishi negizinde kúdiktige qatysty bultartpaý sharasy retinde «úıqamaqqa» alýdy sanktsııalady, - delingen habarlamada.

Vedomstvonyń málimetinshe, qazirgi ýaqytta sotqa deıingi tergeý júrip jatyr.

– Oqıǵanyń mán-jaıy anyqtalyp, jábirlenýshilerdiń ýájderi men málimetteri jan-jaqty tekserilip jatyr, - dep habarlady polıtsııa departamenti.

Eske salaıyq, buǵan deıin Orda.kz ınternet-resýrsynyń bas redaktory Gúlnár Bajkenovaǵa qatysty birneshe ret kórineý jalǵan aqparat taratý faktileri boıynsha qylmystyq ister qozǵalǵanyn habarlaǵan edik.