Gúlmıra Satybaldynyń isi Astanada qaralady
Almaty qalalyq soty baspasóz qyzmetiniń málimetinshe, 11 qańtarda Almaly aýdandyq sotynda Gúlmıra Satybaldynyń isine qatysty otyrys ótti.
«Almaty qalasy Almaly aýdandyq sotyna túsken G. Satybaldy jáne basqalarǵa qatysty qylmystyq is Astana qalasy Baıqońyr aýdanynyń №2 aýdandyq sotyna jiberildi», - dep habarlady Almaty qalalyq sotynyń baspasóz qyzmeti.
Sottalýshylarǵa qatysty bultartpaý sharasy ózgerissiz qaldyryldy.
Eske salsaq, 18 naýryzda Astana (Nur-Sultan) qalasynyń aýdanaralyq mamandandyrylǵan tergeý soty kúdikti G. Satybaldyny 2 aıǵa qamaý túrindegi bultartpaý sharasyna sanktsııa berdi.
Shymkent qalasy boıynsha Sybaılas jemqorlyqqa qarsy qyzmet Gúlmıra Satybaldyǵa qatysty 2021 jyly naqty oryndalmaǵan qurylys-montajdaý jumystary úshin asa iri mólsherde bıýdjet qarajatyn jymqyrý faktisi boıynsha sotqa deıingi tergeý júrgizdi.
Gúlmıra Satybaldy Ýnıversıada-2017 nysandary qarajatyn urlady degen kúdikke ilindi.
2022 jylǵy 13 mamyrda Astan (Nur-Sultan) qalasynyń mamandandyrylǵan aýdanaralyq tergeý soty kúdikti Gúlmıra Satybaldyǵa qatysty qamaýda ustaý túrindegi sanktsııalanǵan bultartpaý sharasynyń merzimin 1 aı merzimge uzartty.
Astana sotynyń sanktsııasymen naýryz aıynda qamaýǵa alynǵan Gúlmıra Satybaldyny kúzetpen ustaý merzimi taǵy uzartyldy.
Sybaılas jemqorlyqqa qarsy qyzmet Gúlmıra Satybaldyǵa, onyń baqylaýyndaǵy «Arııa-Jańa Astana» JShS kompanııasynyń basshylyǵyna jáne memlekettik organdardyń laýazymdy tulǵalaryna qatysty obektilerdi salýǵa bólingen bıýdjet qarajatyn jymqyrý faktileri boıynsha tergeý júrgizdi.
Gúlmıra Satybaldyǵa qatysty eki fakti boıynsha tergeý aıaqtaldy.
