Gúlmıra Satybaldyny tutqynda ustaý merzimi uzartyldy

NUR-SULTAN. QazAqparat – Osyǵan deıin 2 aı merzimge qamaýǵa alynǵan Gúlmıra Satybaldy taǵy bir aı tutqynda bolady, dep habarlaıdy QazAqparat tilshisi Nur-Sultan qalasy sotynyń baspasóz qyzmetine silteme jasap.

«2022 jylǵy 13 mamyrda Nursultan qalasynyń mamandandyrylǵan aýdanaralyq tergeý soty kúdikti Gúlmıra Satybaldyǵa qatysty qamaýda ustaý túrindegi sanktsııalanǵan bultartpaý sharasynyń merzimin 1 aı merzimge uzartty», - delingen habarlamada.

Eske sala ketsek, bıyl 18 naýryzda elorda soty Gúlmıra Satybaldyny 2 aı merzimge qamaýǵa alýǵa sanktsııa bergen edi.

Aıta keteıik, kúdiktiniń burynǵy jubaıy Qaırat Satybaldyny tutqynda ustaý merzimi de uzartyldy.

Ol týraly Nur-Sultan qalalyq mamandandyrylǵan aýdanaralyq tergeý soty 12 mamyr kúni jarııa etti.

Atap aıtqanda, kúdikti Qaırat Satybaldy jáne Qaırat Boranbaevqa da qatysty tutqynda ustaý túrinde sanktsııalanǵan bultartpaý is-sharasynyń merzimi taǵy 1 aıǵa sozyldy.