Gúlmıra Satybaldyny qamaýda ustaý merzimi taǵy uzardy

NUR-SULTAN. QazAqparat - Astana sotynyń sanktsııasymen naýryz aıynda qamaýǵa alynǵan Gúlmıra Satybaldyny kúzetpen ustaý merzimi taǵy uzartyldy, dep habarlaıdy QazAqparat Nur-Sultan qalasy sotynyń resmı saıtyna silteme jasap.

«2022 jylǵy 9 shildede Nur-Sultan qalasynyń mamandandyrylǵan aýdanaralyq tergeý soty kúdikti G. Satybaldyǵa qatysty belgilengen kúzetpen ustaý túrindegi bultartpaý sharasynyń merzimin 1 aıǵa uzartty», - dep jazdy Nur-Sultan qalasynyń mamandandyrylǵan aýdanaralyq tergeý soty

Eske sala keteıik, 18 naýryz kúni Gúlmıra Satybaldy eki aıǵa qamaýǵa alynǵan bolatyn.

Sodan soń Gúlmıra Satybaldy 747 mln teńge bıýdjet qarajatyn jymqyrý faktisi boıynsha tergeldi. Sáýirde Gúlmıra Satybaldy Ýnıversıada-2017 nysandary qarajatyn urlady degen kúdikke ilindi. Artynsha kúdiktini tutqynda ustaý merzimi uzartylǵan.