Gúlmıra Satybaldy sotqa deıingi tergeý kezinde shekara asyp ketpek bolǵan - prokýror

ASTANA. QazAqparat – Astana qalasy Baıqońyr aýdanynyń №2 sotynda Qaırat Satybaldynyń burynǵy áıeli Gúlmıra Satybaldyǵa qatysty is boıynsha aldyn-ala tyńdaý júrip jatyr, dep habarlaıdy QazAqparat tilshisi.

Protses barysynda advokattary G.Satybaldyǵa qatysty bultartpaý sharasyn úı qamaqqa ózgertý jáne qylmystyq isti toqtatý týraly ótinish bildirdi. Degenmen prokýror Almıra Qojahmetova aıyptalýshyǵa qatysty qabyldanǵan sheshimdi ózgerissiz qaldyrý oryndy dep usynys aıtty.

«Bultartpaý sharasy tek naqty sebep bolǵan kezde ózgertiledi. Qazirgi ýaqytta oǵan negiz joq. Óıtkeni, sotqa deıingi is júrgizý barysynda aıyptalýshy Gúlmıra Satybaldynyń shekara asyp ketýge tyrysqany týraly faktiler anyqtaldy. Sondyqtan bultartpaý sharasy ózgerissiz qalady dep sanaımyn», - dedi prokýror Almıra Qojahmetova.

Eske salaıyq, G.Satybaldy kásiporyndardyń qatysý úlesin zańsyz ıemdený, sonyń ishinde adam urlaýmen ushtasqan eki fakti boıynsha tergelgen edi. Jábirlenýshige kelgen zalal somasy - 6,6 mlrd teńgeden asady.