Gúlmıra Kárimovanyń ólimine qatysty qylmystyq is qozǵalmady - mınıstr

ASTANA. QazAqparat – QR Іshki ister mınıstri Marat Ahmetjanov bıyl qańtarda qaıtys bolǵan senator Gúlmıra Kárimovanyń ólimin tekserý is-sharalaryna qatysty pikir bildirdi, dep habarlaıdy QazAqparat tilshisi.

Búgin Senattyń jalpy otyrysynan keıin tilshiler mınıstrden Sotqa deıingi tergep-tekserýlerdiń biryńǵaı tiziliminde depýtat Gúlmıra Kárimovanyń ólimine qatysty derekti tirkeý jáne osy boıynsha qylmystyq is qozǵaý jaıynda surady.

«Elimizde Sotqa deıingi tergep-tekserýlerdiń biryńǵaı tizilimi aıasynda derekter qamtylady. Osy oraıda kez kelgen aryz tirkeledi. Adam ólimine qatysty qatysty arnaıy zertteýler men saraptamalar qamtylady», - dedi M. Ahmetjanov.

Onyń aıtýynsha, atalǵan is-qımyldardy júzege asyrý úshin Sotqa deıingi tergep-tekserýlerdiń biryńǵaı tiziliminde tirkeledi.

«Eshqandaı qylmystyq is qozǵalmady. Bul derek Sotqa deıingi tergep-tekserýlerdiń biryńǵaı tiziliminde bar. Ol boıynsha tekserý júrgizilip jatyr, sondaı-aq ólim sebebin anyqtaý maqsatynda sot-medıtsınalyq saraptama eskerilgen. Osynyń barlyǵy qalypty rásim sanalady. ıAǵnı, kez kelgen aryz tirkelip, ol boıynsha tıisti tekserý júrgiziledi. Ólim sebebi anyqtalmasa, saraptama jasalady, al Sotqa deıingi tergep-tekserýlerdiń biryńǵaı tiziliminde tirkeýsiz saraptama júrgizý múmkin emes», - dedi mınıstr.

Eske salaıyq, 27 qańtarda senator Gúlmıra Kárimova kenetten qaıtys boldy.

Oǵan aldyn ala «anafılaktıkalyq shok» dıagnozy qoıylǵan edi.

Degenmen keıin Astana qalalyq qoǵamdyq densaýlyq saqtaý basqarmasy 45 jasynda kóz jumǵan Gúlmıra Kárimovanyń ólimine júrek talmasy sebep bolǵanyn málim etti.