Gúlmıra Qalmuratova Mańǵystaý oblysy ákiminiń orynbasary bolyp taǵaıyndaldy
Gúlmıra Muratqyzy 1969 jyly týǵan. Bilimi joǵary, «tarıh, qoǵam taný jáne memlekettik pániniń muǵalimi» jáne «zańger, memlekettik qyzmet salasynyń mamany» mamandyqtary boıynsha bilim alǵan.
Eńbek jolyn 1986 jyly Jańaózen qalasyndaǵy №6 orta mektebinde tarıh pániniń muǵalimi qyzmetinen bastady.
1995 - 1998 jyldary – Jańaózen qalalyq ákimshiliginde bas maman-zańger boldy.
1998 – 2003 jyldary Jańaózen qalasy ákiminiń orynbasary, 2003 - 2007 jyldar aralyǵynda Aqtaý qalasy ákiminiń orynbasary qyzmetterin atqardy.
2007 - 2017 jyldar aralyǵynda Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy, keıin Mańǵystaý oblysynyń ishki saıasat basqarmasynyń basshysy boldy.
2017 - 2019 jyldary aralyǵynda Aqtaý qalasy ákiminiń áleýmettik máseleler jónindegi orynbasary qyzmetin atqardy.
2020 jyldyń qańtar aıynan bastap qazirgi ýaqytqa deıin Mańǵystaý oblysynyń kásipkerler palatasy dırektorynyń ekonomıkalyq máseleler jónindegi orynbasary qyzmetin atqaryp keldi.
