Gúlmıra Bazarbaeva: Táýelsizdik - halyqtyń toı̆y, qalyń qazaq, alty alash týǵan kún
«Memleket basshysy «Táýelsizdik bárinen qymbat» atty maqalasynda «Búginde Táýelsizdik qurdastary oı̆y tolysqan otyz jasqa toldy. Egemen elde dúnıege kelip, ósip - jetilgen olardyń sanasy sergek, kózqarastary da, ómir salttary da ózgeshe. Tipti, Táýelsizdikti eshbir dáleldi qajet etpeı̆tin aksıoma dep biledi. Bul – egemendik uǵymy jastardyń sanasyna berik ornyqqanyn kórsetetin qalypty qubylys. Biraq Táýelsizdik qundylyǵy jadyna birjola shegelenip, máńgi saqtalýy úshin óskeleń urpaq onyń qadirin bilýi kerek. Bostandyq bizge ońaı̆lyqpen kelgen joq. Ata-babalarymyz azattyq jolynda arpalysty. Talaı̆ zulmat zamandar men náýbetterdi bastan ótkerdi. Osynyń bári halyqtyń esinde saqtalyp, urpaqtan urpaqqa berilýge tıis» delingen. Rasynda Táýelsizdik – halyqtyń úni, ulttyń tili men dili. Táýelsizdik - halyqtyń toı̆y, eldiń toı̆y. Qalyń qazaq, alty alash týǵan kún, mereı̆toı̆» deıdi máslıhat depýtaty.
Onyń aıtýynsha, elimiz qalaı̆ bolǵanda da san ǵasyrlyq qıyn-qystaý joldan, tar jol taı̆ǵaq keshýden ótip, táýelsiz elder qaýymdastyǵyna qosyldy.
«Otanymyz Qazaqstanymyz týraly aı̆tarymyz da, maqtanarymyz da kóp-aq. Endigi jeńis te, erlik te bizdiń qolda. Derbes bolýǵa baǵyt alǵan egemen elimiz – Qazaqstandy kórkeı̆tetin, shańyraǵyn bıiktetip baı̆ytatyn, abyroı̆yn asyratyn - bilim men bilik jolyn tańdaǵan keı̆ingi urpaq, ıaǵnı, biz jumyla eńbek etýge tıispiz. HHІ ǵasyrda qazaqtyń qasireti az bolǵaı̆, qýanyshy kóp bolǵaı̆. Taıaýdaǵy júzjyldyq, áridegi myńjyldyqtarda qazaqtyń armany men múddesin qorǵaıtyn eldigi men eńbegi baıandy bolǵaı̆» deıdi Gúlmıra Bazarbaeva.
Eske sala keteıik, keshe Qazaqstan Respýblıkasynyń Prezıdenti Qasym-Jomart Toqaev «Egemen Qazaqstan» gazetinde «Táýelsizdik bárinen qymbat» atty maqala jarııalaǵan bolatyn.
