Gúlmıra Abdrasýlova: Vaktsına indetke tusaý salady
QYZYLORDA. QazAqparat - Qyzylorda oblysynda koronavırýske qarsy vaktsına alǵan turǵyndar sany kúnnen kúnge artyp keledi, dep habarlaıdy QazAqparat tilshisi.
Qyzylorda oblystyq psıhıkalyq densaýlyq ortalyǵynyń qyzmetkeri Gúlmıra Abdrasýlova qaterli indetke tusaý salatyn jalǵyz jol - vaktsına ekenin aıtady.
«Jasyratyny joq, elimizde qaterli indet tez taralyp barady. Epıdemıologııalyq ahýal kún sanap kúrdelene tústi. Ótken aptanyń sońynda óńirimiz «sary aımaqqa» engizildi. Al Syrdarııa aýdany «qyzyl aımaq» qatarynda tur. Bul - óte alańdatarlyq jaǵdaı. Men óz ómirine alańdaıtyn qala turǵyny ári medıtsına salasynyń qyzmetkeri retinde alǵashqylardyń biri bolyp ekpe qabyldadym. Men mamandardyń keńesine qulaq asýǵa shaqyramyn. Saýlyq - saqtyqta. Ózimizdi qorǵap, aınalamyzǵa qamqor bolaıyq, - dedi G. Abdrasýlova.
Eske salaıyq, Qyzylordada 14 sáýirge deıin 10684 turǵynǵa vaktsına jasaldy.
